ஐ.ஐ.எம்.மில் முதுகலை வணிக மேலாண் படிப்புகள் தொடக்கம்

திருச்சி சின்னசூரியூரில் உள்ள இந்திய மேலாண்மை நிறுவனத்தில் 2018-20 ஆம் ஆண்டுக்கான முதுகலை வணிக மேலாண்மைப் படிப்புகள் ( ஏழாவது பிரிவு) தொடக்கம், விருதுகள் வழங்கும் விழா சனிக்கிழமை நடைபெற்றது.
விழாவுக்கு திருச்சி ஐ.ஐ.எம். இயக்குநர் முனைவர் பிம்மராய மேத்ரி தலைமை வகித்தார். சென்னை பெட்ரோலியம் கார்ப்பரேஷன் நிறுவனத்தின் மேலாண் இயக்குநர் எஸ். என்.பாண்டே, 2016-18, 2017-19ஆம் கல்வியாண்டுக்கான சிறந்த மாணவர்களுக்கு விருதுகளை வழங்கியும், 2015-18ஆம் ஆண்டு பிரிவைச் சேர்ந்த மாணவர்களுக்கு சிறந்த தொழிலகத் திட்டத்துக்கான விருது வழங்கிப் பேசினார்.  
முதுகலை வணிக மேலாண்மைப் படிப்புப் பிரிவுத் தலைவர் கார்த்திக் தண்டபாணி, முன்னாள் மாணவரும், டிரான்ஸ்பிஜ் கன்சல்டிங் நிறுவனத்தின் இயக்குநருமான பி.சந்தானம் உள்ளிட்டோர் பங்கேற்றனர். முடிவில், அகாதெமி செயலர் ஜெய்ஷ் ஜெய்கர் நன்றி கூறினார்.