கருணாநிதியின் இடத்தை எவராலும் பிடிக்க முடியாது

திமுக தலைவர் கருணாநிதியின் இடத்தை எவராலும் பிடிக்க இயலாது என்றார் தென்னிந்திய திரைப்பட நடிகர்கள் சங்க செயலாளர் விஷால்.
திமுக தலைவர் கருணாநிதி மறைவையடுத்து, காரைக்குடியில் தனது படப்பிடிப்பை ரத்து செய்துவிட்டு, புதன்கிழமை காலை சென்னைக்கு செல்லும் வழியில் திருச்சியில் அவர் அளித்த பேட்டி:  மாமனிதர் கலைஞர் காலமானார். அரசியல்வாதி என்பதைவிட பொது வாழ்வில் 75 ஆண்டுகள் சேவை செய்தவர் தற்போது இல்லை என்பது மிகப்பெரிய இழப்பு.   சினிமா, அரசியல் உள்ளிட்ட துறைகளில் தன்னம்பிக்கையுடன் செயல்பட்டவர்.  அவரது இடத்தை இனி எவராலும் பிடிக்க முடியாது. உலகம் முழுவதும் உள்ள தமிழ் பேசுவோரின் மதிப்புமிக்க தலைவர் அவர். அவரை அண்ணாவின் சமாதிக்கு அருகே அடக்கம் செய்ய வேண்டும் என்பதே அனைவரின் விருப்பம் என்றார் அவர்.