முத்திரைக் கொல்லர் பதவிக்கான தேர்வு  நடவடிக்கைகள் ரத்து

திருச்சி கூடுதல் தொழிலாளர் ஆணையர் அலுவலகத்தில் முத்திரைக் கொல்லர் பதவிக்காக டிசம்பர் 28 ஆம் தேதி நடைபெற இருந்த  திறனறித் தேர்வு மற்றும் சான்றிதழ்கள் சரிபார்ப்பு ஆகியன நிர்வாகக் காரணங்களுக்காக ரத்து செய்யப்படுவதாக அறிவிக்கப்பட்டுள்ளது.
இது குறித்து திருச்சி கூடுதல் தொழிலாளர் ஆணையர் லட்சுமிகாந்தன் வெளியிட்டுள்ள செய்திக்குறிப்பு:    திருச்சி கூடுதல் தொழிலாளர் ஆணையர் ஆட்சி எல்கையில் காலியாகவுள்ள முத்திரைக் கொல்லர் பணியிடங்களுக்கான எழுத்துத் தேர்வு நடத்தப்பட்டு முடிவுகளும் வெளியிடப்பட்டன.இதன் தொடர்ச்சியாக நடைபெற இருந்த திறனறித் தேர்வு மற்றும் அசல் சான்றிதழ்கள் சரிபார்ப்பு ஆகியன டிசம்பர் 28 ஆம் தேதி நடைபெறும் என அறிவிக்கப்பட்டிருந்தது. இந்நிலையில் நிர்வாக காரணங்களுக்காக அவை ரத்து செய்யப்படுவதாக செய்திக்குறிப்பில் தெரிவிக்கப்பட்டுள்ளது.