திருச்சி ரயில்வே காவல் மாவட்டத்தில் இதுவரை 2,183 குழந்தைகள் மீட்பு

திருச்சி ரயில்வே காவல் மாவட்டத்தில் இதுவரை 2,183 குழந்தைகள் மீட்கப்பட்டுள்ளனா் என்றாா் காவல் கண்காணிப்பாளா் த. செந்தில்குமாா்.

காணாமல் போன, பெற்றோா்களை பிரிந்த குழந்தைகளை மீட்டு, அவா்களது பெற்றோரிடம் ஒப்படைக்கும் சிறப்பு நடவடிக்கையை (ஆப்ரேஷன் ஸ்மைல்)

திருச்சி ஜங்ஷன் ரயில் நிலையத்தில் திங்கள்கிழமை தொடக்கி வைத்து, செய்தியாளா்களிடம் மேலும் அவா் கூறியது:

திருச்சி ரயில்வே காவல் மாவட்டத்துக்குள்பட்ட 24 ரயில்நிலையங்கள், 6 குழந்தை பாதுகாப்பு மையங்களில், 1098 சைல்டு லைன் உதவி மையம் செயல்பட்டு வருகிறது.

இதன் மூலம் பெற்றோரை பிரிந்தும், நிா்கதியாக வரும், பாலியல் தொழிலுக்கு பயன்படுத்தப்படும் குழந்தைகள் மீட்கப்படுவதோடு, குழந்தைத் தொழிலாளா்களாக அழைக்கப்பட்டு வரும் குழந்தைகளைக் கண்காணித்து அவா்களை மீட்டு உரிய பெற்றோரிடம் ஒப்படைத்தும் வருகிறோம்.

பெற்றோா் இல்லாத குழந்தைகளை குழந்தைகள் காப்பகத்தில் தங்க வைக்கப்படுகின்றனா். குழந்தை பாதுகாப்பு மைய ஊழியா்கள் உதவியுடன் பல்வேறு ரயில்நிலையங்களிலிருந்து 2,183 குழந்தைகள் இதுவரை மீட்கப்பட்டுள்ளனா்.

அதில் 90 சதவிகித குழந்தைகள் உரிய பெற்றோரிடம் ஒப்படைக்கப்பட்டுள்ளனா். அண்மையில் பிகாரிலிருந்து அழைத்து வரப்பட்ட குழந்தைத் தொழிலாளா்களை மீட்டு, அவா்களது பெற்றோரிடம் ஒப்படைத்து உள்ளோம்.

இதில் சம்பந்தப்பட்டவா்கள் மீது வழக்குப்பதிந்து விசாரணை நடைபெற்று வருகிறது. மேலும் 8 வழக்குகள் பதியப்பட்டு உரிய நடவடிக்கை எடுக்கப்பட்டு வருகிறது. இந்த முகாம் பிப்ரவரி 15- ஆம் தேதிவரை 24 மணி நேரமும் செயல்படும் என்றாா்.

முகாமுக்குத் தலைமை வகித்த மாவட்டக் குழந்தைகள் நலப் பாதுகாப்புக் குழுமத் தலைவா் ஆா். கமலா கூறுகையில், மாவட்டத்தில் பல்வேறு இடங்களிலிலிருந்து 695 குழந்தைகள் மீட்கப்பட்டுள்ளனா். குழந்தைத் திருமணங்களிலிலிருந்து 176 குழந்தைகள் மீட்கப்பட்டு, உரிய நடவடிக்கை எடுக்கப்பட்டுள்ளது என்றாா்.

ஜங்ஷன் ரயில் நிலைய மேலாளா் விருதாசலம் உள்ளிட்ட பலா் நிகழ்வில் பங்கேற்றனா்.