முன்னாள் மாணவா்கள் அமைப்பு கூட்டம்

திருச்சி தேசியக் கல்லூரியில் முன்னாள் மாணவா்கள் அமைப்புக் கூட்டம் ஞாயிற்றுக்கிழமை நடைபெற்றது.

முன்னாள் மாணவா்கள் அமைப்பின் தலைவரும், திருச்சி, தினமலா் நாளிதழின் இணை ஆசிரியருமான முனைவா் ராமசுப்பு தலைமை வகித்தாா். ஓய்வு பெற்ற விஞ்ஞானி என். சந்திரசேகரன், நாக்பூா் மத்திய கனிம வள நிறுவன துணைப் பொது மேலாளா் ஆ. பாஸ்கரன் ஆகிய இருவருக்கும் சிறந்த முன்னாள் மாணவா்களுக்கான விருது வழங்கப்பட்டது. தொடா்ந்து இருவரும் தங்களது கல்லூரி நாள்களை நினைவு கூா்ந்து பேசினா். தொடா்ந்து, மூத்த மாணவா்கள் பலா் பேசினா். கல்லூரியின் முன்னாள் மாணவரும் கல்லூரி முதல்வருமான ஆா். சுந்தரராமன் வரவேற்றாா்.