ஜிவிஎன் ரிவா்சைடு மருத்துவமனை திறப்பு விழா

திருச்சியில் வெள்ளிக்கிழமை நடைபெற்ற ஜிவிஎன் ரிவா்சைடு மருத்துவமனை தொடக்க விழாவில் அமைச்சா்கள் கே.என். நேரு, அன்பில் மகேஷ் பொய்யாமொழி ஆகியோா் பங்கேற்றனா்.

திருச்சி - சென்னை தேசிய நெடுஞ்சாலையிலுள்ள திருவானைக்கா பகுதியில் நவீன வசதிகளுடன் புதிதாக கட்டப்பட்ட ஜிவிஎன் ரிவா்சைடு மல்டி ஸ்பெஷாலிட்டி மருத்துவமனையின் திறப்பு விழாவுக்கு அமைச்சா்கள் கே.என்.நேரு, அன்பில் மகேஷ் பொய்யாமொழி ஆகியோா் முன்னிலை வகித்தனா்.

மருத்துவமனையை ஜிவிஎன் மருத்துவமனை பிரைவேட் லிமிடெட் குழுமத் தலைவா் மருத்துவா் வி. ஜெயபால், டால்மியா சிமெண்ட் பாரத் லிமிடெட் நிறுவன இயக்குநா் என். கோபால்சுவாமி ஆகியோா் தொடங்கி வைத்தனா்.

இந்த மருத்துவமனையில் 130 படுக்கை வசதிகளுடன் சிறுநீரகம், மூட்டு மாற்று அறுவை சிகிச்சைகள், கிட்னி, கல்லீரல் மாற்று அறுவை சிகிச்சை உள்பட பல்வேறு உயா் சிகிச்சைகள் மேற்கொள்ளப்படும். இந்த மருத்துவமனையில் பல்நோக்கு வசதிகள் உள்ளன.

கோவை ரோட்டரி கிளப் உதவியுடன் டயாலிசிஸ் சிகிச்சை இலவசமாகவும், பெண்களுக்கு மாா்பக புற்றுநோய் கண்டறியும் மேமோகிராம் பரிசோதனையை ஏழைகளுக்கு 50 சத கட்டணத்திலும் மேற்கொள்கின்றனா். இந்த மருத்துவமனை திருச்சி சிங்காரத்தோப்பு பகுதியில் உள்ள பழைமை வாய்ந்த சிங்காரத்தோப்பு ஜிவிஎன் மருத்துவமனையின் ஓா் அங்கமாகும் என நிா்வாகத்தினா் தெரிவித்தனா்.

நிகழ்வில் மருத்துவா்கள் கவிதா செந்தில், ஹேமலதா புகழேந்தி, விஸ்வேஸ்வா் செந்தில், சக்தியாதவ் மற்றும் தொழிலதிபா்கள், அரசியல் கட்சிப் பிரமுகா்கள் உள்பட ஏராளமானோா் கலந்து கொண்டனா். ஜிவிஎன் ரிவா்சைடு மருத்துவமனை நிா்வாக இயக்குநரும், மூட்டு மாற்று அறுவை சிகிச்சை நிபுணருமான வி.ஜெ. செந்தில் வரவேற்றாா்.