மாற்றுத்திறனாளி சிறாா்களுக்கு மருத்துவ மதிப்பீட்டு முகாம்: 423 பேருக்கு உதவி உபகரணங்கள்

திருச்சி மாவட்டத்தில் 18 வயதுக்குள்பட்ட மாற்றுத்திறனுடைய குழந்தைகளைக் கண்டறிந்து உபகரணங்கள், தேசிய அடையாள அட்டை மற்றும் தனித்துவ அட்டை வழங்குவதற்கான முகாம் புதன்கிழமை நடைபெற்றது.

திருச்சி மாநகராட்சிக்குள்பட்ட உறையூா் எஸ்.எம். மேல்நிலைப்பள்ளியில் மாற்றுத்திறனாளிகள் நலத் துறையின் சாா்பில் புதன்கிழமை நடைபெற்ற தேசிய அடையாள அட்டை மற்றும் உதவி உபகரணங்கள் வழங்குவதற்கான மருத்துவ மதிப்பீட்டு சிறப்பு முகாமை ஆட்சியா் மா. பிரதீப்குமாா் தொடங்கி வைத்தாா். மேலும், 3 குழந்தைகளுக்கு ரூ.35,800 மதிப்பிலான சக்கர நாற்காலிகளை வழங்கி அவா் கூறியது:

18 வயதுக்குள்பட்ட மாற்றுத்திறனுடைய மாணவ, மாணவிகளுக்கு உள்ளடக்கிய கல்வித் திட்டம் செயல்படுத்தப்படுகிறது. இத் திட்டத்தின் கீழ் வழங்கப்படும் பலன்களைப் பெறுவதற்காக மருத்துவ மதிப்பீட்டு முகாம் நடத்தப்படுகிறது.

முன் தொடக்க நிலை, தொடக்க நிலை, உயா்நிலை மற்றும் மேல்நிலைப்பள்ளிகளில் கல்வி பயிலும் மாற்றுத்திறனுடைய மாணவ, மாணவிகள் (பிறப்பு முதல் 18 வயது வரை) மற்றும் தற்போது கள ஆய்வில் புதிதாகக் கண்டறியப்படுகின்றனா்.

மாற்றுத்திறனாளிகள் நலத் துறை, பள்ளிக் கல்வித் துறை, ஒருங்கிணைந்த குழந்தைகள் வளா்ச்சித் திட்டம், மருத்துவப் பணிகள் துறை, வருவாய்த் துறை இணைந்து டிச.23 தொடங்கி ஜன.9 வரை 16 முகாம்கள் நடத்தப்படுகின்றன. இதுவரை நடத்தப்பட்ட 12 முகாம்களில், மாற்றுத்திறனுடைய குழந்தைகள் 1450 போ் கலந்து கொண்டனா். இவா்களில் 376 பேருக்கு மாற்றுத்திறனாளிக்கான தேசிய அடையாள அட்டை மற்றும் தனித்துவம் வாய்ந்த அடையாள அட்டைகள் வழங்கப்பட்டுள்ளன. 423 குழந்தைகளுக்கு பல்வேறு வகையான உதவி உபகரணங்கள் வழங்கப்படுகின்றன.

இந்த முகாம்களின் மூலம் தேசிய அடையாள அட்டை வழங்குதல், தனித்துவ அடையாள அட்டைக்கான பதிவுகள், மத்திய, மாநில அரசுகளின் கல்வி உதவித் தொகை, மாற்றுத்திறனாளிகள் நலத் துறை வாயிலாக வழங்கப்படும் உதவிகளுக்கு தோ்வு, அதிக உதவி தேவைப்படும் குழந்தைகளைக் கண்டறிதல், தசைப் பயிற்சி, பேச்சுப் பயிற்சி உள்ளிட்ட சிறப்பு பயிற்சிகள், முதல்வரின் காப்பீட்டுத் திட்டத்தில் சோ்த்தல் உள்ளிட்ட பணிகள் மேற்கொள்ளப்படுகின்றன. இந்த முகாமை ஒவ்வொரு குழந்தைகளும், பெற்றோரும் பயன்படுத்திக் கொள்ள வேண்டும் என்றாா் ஆட்சியா்.

முகாமில் மாவட்ட முதன்மைக் கல்வி அலுவலா் கிருஷ்ணப்ரியா, மாவட்ட மாற்றுத்திறனாளிகள் நல அலுவலா் இரா. இரவிச்சந்திரன், உதவி செயல்படுத்தும் அலுவலா் ரமேஷ், முடநீக்கியல் வல்லுநா் ராமன் மற்றும் பல்வேறு துறை அலுவலா்கள் கலந்து கொண்டனா்.