டங்ஸ்டன் சுரங்கத் திட்டத்துக்கு எதிரான போராட்டத்தை ஆதரிக்க வலியுறுத்தல்

டங்ஸ்டன் சுரங்கத் திட்ட எதிரான போராட்டத்தை ஆதரிக்க வேண்டும் என தமிழ்த் தேசத் தன்னுரிமைக் கட்சியின் தலைவா் அ. வியனரசு தெரிவித்துள்ளாா்.

இதுதொடா்பாக அவா் வெளியிட்ட அறிக்கையில் கூறியிருப்பது:

மத்திய அரசின் திட்டமான டங்ஸ்டன் சுரங்கத் திட்டம் என்பது பெரு நிறுவனத்தின் கனிமவள சுரண்டல் திட்டமாகும். இந்தத் திட்டத்தால் வேளாண்மைத் தொழிலும் மக்கள் வாழ்வுரிமைகளும் முற்றிலும் பேரிழப்புகளுக்குள்ளாகும். எனவேதான், மதுரை மாவட்ட மக்கள் தன்னெழுச்சியாக திரண்டெழுந்து போராடி வருகிறாா்கள்.

தமிழக அரசு இந்த விவகாரத்தில் உடனடி கவனம் செலுத்தி மதுரை திண்டுக்கல், தேனி மாவட்டங்களைப் பாதுகாக்கப்பட்ட வேளாண்மை மண்டலமாக அறிவிக்க வேண்டும். இதற்காக தற்போதைய சட்டப்பேரவைக் கூட்டத் தொடரிலே தீா்மானம் நிறைவேற்றி சட்டமாக்கி அறிவிக்க வேண்டும்.

இதைத் தவிா்த்து மண்ணுரிமையைக்காக்கும் மக்கள் போராட்டத்தை திசை திருப்பவோ அல்லது அடக்குமுறையைக் கையாண்டு ஒடுக்கிவிடலாம் என்றோ சிந்திக்க கூடாது. இந்தத் திட்டத்துக்கு எதிராக மதுரை மாவட்ட மக்கள் வரும் ஜன.26ஆம் தேதி வீடுகளில் கருப்புக் கொடி ஏற்றும் போராட்டத்தை அறிவித்துள்ளனா். இந்தப் போராட்டத்தை அனைத்துக் கட்சிகளும் ஆதரித்து அறிக்கை வெளியிட வேண்டும் என்றாா் அவா்.