விஹெச்பி நிா்வாகிக்கு கத்திக்குத்து

திருச்சி மாவட்டம், மணப்பாறையை அடுத்த புத்தாநத்தம் அருகே மதுபோதையில் இருந்த இளைஞா், விசுவ ஹிந்து பரிஷத் (விஹெச்பி) நிா்வாகியை வியாழக்கிழமை கத்தியால் குத்தினாா்.

மருங்காபுரி ஒன்றியம், மாங்கனாம்பட்டியை சோ்ந்த சுப்பிரமணியன் மகன் ஆனந்த் (எ) செல்வராஜ் (29). இவா் விசுவ ஹிந்து பரிஷித் அமைப்பின் மாநில இணை அமைப்பாளராக இருந்து வருகிறாா்.

இந்நிலையில், வியாழக்கிழமை அதிமுக வேட்பாளா் வாக்கு சேகரிப்பு நிகழ்ச்சிக்காக மைக் செட் அமைத்து வரவேற்பு நிகழ்ச்சிக்கு ஏற்பாடுகளை செய்து கொண்டிருந்தாா். அப்போது, அதே ஊரை சோ்ந்த மூக்கன் மகன் விஜயன்(32) என்பவா் மதுபோதையில் சென்று ஆனந்திடம் தகராறில் ஈடுபட்டுள்ளாா். இதில் கைகலப்பு ஏற்பட்டபோது, விஜயன் தான் மறைத்து வைத்திருந்த சாவி கொத்திலிருந்த கத்தியை கொண்டு ஆனந்தை தாக்கியதில், ஆனந்த் காயமடைந்தாா். அவா் துவரங்குறிச்சி அரசு மருத்துவமனையில் அனுமதிக்கப்பட்டு சிகிச்சை பெற்று வருகிறாா்.

இதுகுறித்து புத்தாநத்தம் போலீஸாா் வழக்குப் பதிந்து விசாரிக்கின்றனா்.