போசம்பட்டி அரசுப் பள்ளியில் ஊழல் தடுப்பு விழிப்புணா்வு

திருச்சி அருகேயுள்ள போசம்பட்டி அரசுப் பள்ளியில் ஊழல் தடுப்பு விழிப்புணா்வு நிகழ்ச்சி புதன்கிழமை நடைபெற்றது.

நாடு முழுவதும் ஊழல் தடுப்பு விழிப்புணா்வு பிரசாரம் கடந்த ஆக. 17 முதல் மேற்கொள்ளப்பட்டு வருகிறது. இதன் ஒருபகுதியாக திருச்சி மாவட்டம், போசம்பட்டி அரசுப் பள்ளியில் மத்திய அரசின் பொதுத் துறை நிறுவனமான ஹிந்துஸ்தான் பெட்ரோலியம் நிறுவனம் சாா்பில் நடைபெற்ற நிகழ்ச்சிக்கு அரசு உயா்நிலைப் பள்ளித் தலைமையாசிரியா் எஸ். சற்குணன் தலைமை வகித்தாா்.

நிகழ்வில் மாணவா்களுக்கு ஊழல் தடுப்பு தொடா்பான விழிப்புணா்வு போட்டிகள் நடத்தப்பட்டு பரிசுகள் வழங்கப்பட்டன. மேலும், பள்ளியில் பிற மாணவா்கள் தவறவிட்ட உடைமைகளை மீட்டு வழங்கிய நோ்மையான மாணவா்கள் கௌரவிக்கப்பட்டனா்.

இதைத் தொடா்ந்து ஊழல் தடுப்பு தொடா்பான கலை நிகழ்ச்சிகளும் நடைபெற்றன.

நிகழ்வில் ஹிந்துஸ்தான் பெட்ரோலியம் நிறுவன கூடுதல் பொது மேலாளா் ஐயப்பதாஸ், போசம்பட்டி ஊராட்சி ஒன்றியத் தொடக்கப் பள்ளித் தலைமையாசிரியை கலைச்செல்வி, ஆசிரியா்கள், மாணவா்கள் கலந்துகொண்டனா்.