கடைமடைக்கு தண்ணீா் செல்வதை கண்காணிக்க சிறப்பு கரைக் காவலா்கள்: தமிழ்நாடு விவசாயிகள் சங்கம் வலியுறுத்தல்

கடைமடை வரை தண்ணீா் செல்வதை கண்காணிக்க சிறப்பு கரைக் காவலா்களை நியமித்து நீா்வளத் துறையினா் பணியாற்ற வேண்டும் என தமிழ்நாடு விவசாயிகள் சங்கம் வலியுறுத்தியுள்ளது.

திருச்சியில் அந்தச் சங்கத்தின் மாநிலக் குழு கூட்டம் செவ்வாய்க்கிழமை நடைபெற்றது.

கூட்டத்துக்கு, மாநிலத் தலைவா் எஸ். குணசேகரன் தலைமை வகித்தாா். மாநிலப் பொதுச் செயலா் பி.எஸ். மாசிலாமணி, மாநிலத் தலைவா் கே. உலகநாதன், மாநில துணைச் செயலா்கள் த. இந்திரஜித், வி. கிருஷ்ணமூா்த்தி, திருச்சி மாவட்ட செயலா் அயிலை சிவசூரியன் மற்றும் மாநிலம் முழுவதும் உள்ள நிா்வாகக் குழு உறுப்பினா்கள் கலந்து கொண்டு ஆலோசனை நடத்தினா்.

பின்னா், கூட்டத்தில் நிறைவேற்றப்பட்ட தீா்மானங்களை விளக்கி செய்தியாளா்களிடம் பொதுச் செயலா் பி.எஸ். மாசிலாமணி கூறியதாவது:

குறுவையில் இழப்பை சந்தித்த விவசாயிகளுக்கு உரிய இழப்பீடு வழங்க வேண்டும். மேட்டூா் அணையில் திறக்கப்படும் தண்ணீா் கடைமடை வரை செல்வதை தொடா் கண்காணிப்புக்குள்ளாக்கும் முறையில், சிறப்பு கரைக் காவலா்களை நியமித்து பணியாற்ற வேண்டும்.

நடுத்தர கால மற்றும் குறுகிய கால விவசாயிகள் விரும்பும் தேவையான அளவு நெல் விதைகளை 50 சதம் மானிய விலையில் வழங்க வேண்டும். ரசாயன உரம், இடு பொருள்களை 50 சத மானியத்தில் வழங்க வேண்டும். உழவு மற்றும் கை, இயந்திரம் நடவு பணிகளுக்கு 50 சதம் மானியத் தொகை வழங்க வேண்டும். சிறப்பு சம்பா சாகுபடி ஊக்கத் திட்டங்கள் அனைத்துக்கு 50 சதம் மானியம் வழங்கும் நிலையில் உரிய நிதி ஒதுக்கீட்டை உடன் அறிவித்திட வேண்டும். பயிா்க் காப்பீடு திட்டத்தை தனியாருக்கு வழங்குவதை கைவிட்டு அரசின் பொதுத்துறை திட்டமாக நடைமுறைப்படுத்திட வேண்டும்.

சட்டப் பேரவையில் தவெக அரசு தாக்கல் செய்துள்ள நகா்ப்புற மேம்பாட்டு துறையின் புதிய சட்ட திருத்த மசோதாவை திரும்பப் பெற வேண்டும் என்றாா் அவா்.