தந்தை கொலை: மகன் கைது

துறையூா் அருகே கோட்டத்தூா் அண்ணா நகரைச் சோ்ந்தவா் கணேசன் (70). மனைவி இறந்துவிட்டதால், தனியாக வசித்து வந்தாா். இவரின் 3 மகன்களும், ஒரு மகளும் திருமணமாகி, தங்கள் குடும்பத்தினருடன் வசிக்கின்றனா்.

அண்மையில் தனக்கு சொந்தமான நிலத்தை கணேசன் ரூ. 3.50 லட்சத்துக்கு விற்றாராம்.

இதையறிந்த அவரது மூத்த மகன் மணி, அந்தப் பணத்தை தனக்குத் தருமாறு கேட்டு வந்தாராம்.

புதன்கிழமை இரவு தந்தை மகனுக்கு இடையே நடைபெற்ற தகராறில் ஆத்திரமடைந்த மணி அரிவாளால் தந்தையை வெட்டினாராம். இதில் கணேசன் நிகழ்விடத்திலேயே உயிரிழந்தாா்.

புகாரின்பேரில், துறையூா் போலீஸாா் வழக்குப் பதிந்து மணியை வியாழக்கிழமை கைது செய்தனா்.