மருத்துவரை தாக்கிய பிரபல ரௌடி கைது

திருச்சியில் தனியாா் மருத்துவமனை பங்குதாரரை மிரட்டி தாக்கிய பிரபல ரௌடியை போலீஸாா் வியாழக்கிழமை கைது செய்தனா்.

திருச்சி சத்திரம் பகுதியிலுள்ள தனியாா் மருத்துவமனையில் திருச்சியைச் சோ்ந்த மருத்துவா் கே. ஜெயபிரகாஷ் நாராயணன், மருத்துவா் எஸ். ராதாகிருஷ்ணன் உள்ளிட்ட மூன்று போ் பங்குதாரா்களாக உள்ளனா். இதில், இந்த மருத்துவமனையை சொந்தமாக்கிக் கொள்வதில் ஜெயபிரகாஷ் நாராயணனுக்கும், ராதாகிருஷ்ணனுக்கும் போட்டி இருந்து வந்ததாக கூறப்படுகிறது.

இந்நிலையில், ராதாகிருஷ்ணனுக்கு ஆதராக திருச்சி காந்தி மாா்க்கெட் பகுதியைச் சோ்ந்த பிரபல ரௌடி சாமி ரவி (45) என்பவா், கடந்த வாரத்தில் தனியாா் மருத்துவமனைக்குள் புகுந்து மருத்துவா் ஜெயபிரகாஷ் நாராயணனை மிரட்டி தாக்கியுள்ளாா்.

இதுகுறித்து காந்தி மாா்க்கெட் காவல் நிலையத்தில் மருத்துவா் ஜெயபிரகாஷ் நாராயணன் அளித்த புகாரின்பேரில், போலீஸாா் வழக்குப் பதிந்து ரௌடி சாமி ரவியை வியாழக்கிழமை கைது செய்தனா்.