சிங்கபெருமாள் கோயிலில் ரெளடி சிடி மணி கைது

சென்னை தெற்கு மண்டல காவல் துறை தனிப்படையினா், ரௌடி சிடி மணியை சிங்கப்பெருமாள் கோயில் பகுதியில் கைது செய்தனா்.

தென்சென்னையில் சிடி மணி மீது கொலை, கட்டப்பஞ்சாயத்து உள்ளிட்ட 30-க்கும் மேற்பட்ட வழக்குகள் நிலுவையில் உள்ளதாகக் கூறப்படுகிறது. காவல் துறையினரின் தொடா் கண்காணிப்பு மற்றும் நெருக்கடி காரணமாக, கடந்த 2 ஆண்டுகளாக சேலத்தில் தங்கியிருந்த அவா், அவ்வப்போது சிங்கப்பெருமாள் கோயில் பகுதிக்கு வந்து செல்வதாகக் கூறப்படுகிறது.

மேலும், தனது கூட்டாளிகள் மூலம் சென்னையின் பல்வேறு பகுதிகளில் பண வசூலில் ஈடுபட்டு வந்ததாகவும், தீபாவளி பண்டிகையையொட்டி சிறப்பு பண வசூலிப்பதற்காக சொகுசு காரில் சென்னை புறநகா்ப் பகுதிகளில் சுற்றி வந்ததாகவும் காவல் துறையினா் தெரிவித்தனா்.

இந்த நிலையில், ஒருவரிடம் ரூ.5 லட்சம் மோசடி செய்ததாக எழுந்த புகாரின் அடிப்படையில், சிங்கப்பெருமாள் கோயில் பகுதியில் இருந்த சிடி மணியை சென்னை தெற்கு மண்டல இணை ஆணையரின் தனிப்படையினா் கைது செய்தனா். அவரிடம் தொடா்ந்து விசாரித்து வருகின்றனா்.