பட்டாசு ஆலையில் தீ விபத்து: பெண்கள் உள்பட மூவா் காயம்

மரக்காணம் வட்டம், கீழ்புத்துப்பட்டைச் சோ்ந்தவா் ம.ராஜேந்திரன் (55). இவா் அந்தப் பகுதியில் நாட்டு வெடிகள் தயாரிக்கும் பட்டாசு ஆலை நடத்தி வருகிறாா். அங்கு ராஜேந்திரன் மற்றும் பெண் தொழிலாளா்கள் வியாழக்கிழமை பணியில் ஈடுபட்டிருந்தனா்.

ராஜேந்திரன் பட்டாசு வகைகளை தரம் பிரித்து கட்டிக் கொண்டிருந்தாா். அப்போது, தீப்பொறி ஏற்பட்டு பட்டாசுகள் வெடித்துச் சிதறின. இதில், வெடிமருந்து சேமிப்புக் கிடங்குக்கும் தீ பரவி முழுவதும் வெடித்து சிதறியது. இந்த விபத்தில் ராஜேந்திரன் பலத்த காயமடைந்தாா். மேலும், ஆலையில் பணியிலிருந்த கீழ்புத்துப்பட்டைச் சோ்ந்த கௌரி (60), ஆண்டாள் (45) ஆகியோரும் காயமடைந்தனா்.

பின்னா், மூவரும் மீட்கப்பட்டு 108 அவசர ஊா்தி மூலம் புதுச்சேரி ஜிப்மா் மருத்துவமனைக்குக் கொண்டு செல்லப்பட்டனா். அங்கு அவா்களுக்கு சிகிச்சை அளிக்கப்பட்டு வருகிறது.

புதுவை மாநிலம், காலாப்பட்டு தீயணைப்பு நிலையத்தினா் சம்பவ இடத்துக்கு விரைந்து சென்று தீயை அணைத்தனா்.

விபத்தில் பல லட்சம் ரூபாய் மதிப்பிலான பட்டாசுகள், வெடிமருந்து கிடங்கு மற்றும் தளவாடப் பொருள்கள் சேதமடைந்தன.

மரக்காணம் வட்டாட்சியா் பாலமுருகன் சம்பவ இடத்தைப் பாா்வையிட்டாா். மேலும், ஜிப்மா் மருத்துவமனையில் சிகிச்சை பெற்று வரும் மூவரையும் சந்தித்து ஆறுதல் கூறினாா்.

விபத்து குறித்து கோட்டக்குப்பம் போலீஸாா் விசாரணை நடத்தி வருகின்றனா்.