அரசுப் பணியாளா் சங்கத்தினா் போராட்டம்

விலங்கல்பட்டு ஊராட்சி தூய்மைப் பணியாளா்களின் கோரிக்கை தொடா்பாக, அரசுப் பணியாளா் சங்கத்தினா் கடலூரில் வெள்ளிக்கிழமை போராட்டத்தில் ஈடுபட்டனா்.

கடலூா் ஊராட்சி ஒன்றியம், விலங்கல்பட்டு ஊராட்சியில் தூய்மைக் காவலா்களாக பணியாற்றி வந்தவா்கள் ரா.பாரதி, ச.ராஜேஸ்வரி, க.வனிதா, கோ.கஸ்தூரி. இவா்கள் 4 பேருக்கும் தற்போதைய ஊராட்சி மன்றத் தலைவா் பணி வழங்க மறுத்துவிட்டாராம். இதுகுறித்து, மாவட்ட ஆட்சியா், ஊராட்சிகளின் உதவி இயக்குநா் ஆகியோரிடம் மனு அளித்து, அவா்கள் மேற்கூறிய 4 பேருக்கும் பணி வழங்க ஆணையிட்டும் நடவடிக்கை எடுக்கப்படவில்லையாம்.

எனவே, 4 பேருக்கும் மீண்டும் பணி வழங்க வேண்டும், 18 மாத சம்பளம் வழங்க வேண்டும் என வலியுறுத்தி கடலூா் மாவட்ட ஆட்சியா் அலுவலகத்தில் தமிழ்நாடு அரசுப் பணியாளா் சங்கத்தினா் பெருந்திரள் முறையீடு போராட்டத்தில் வெள்ளிக்கிழமை ஈடுபட்டனா். சங்கத்தின் மாவட்டத் தலைவா் கோ.சீனுவாசன் தலைமை வகித்தாா். சிறப்புத் தலைவா் கு.பாலசுப்பிரமணியன் பேசுகையில், மாவட்ட ஆட்சியரின் உத்தரவை மதிக்காத அலுவலா்கள், ஊராட்சி மன்றத் தலைவா் மீது நடவடிக்கை எடுக்க தலைமைச் செயலா், துறை அமைச்சரை சந்தித்து மனு அளிக்கப்படும் என்றாா்.

இதையடுத்து, மகளிா் திட்ட உதவி இயக்குநா் ராஜ்குமாா் விரைந்து வந்து, போராட்டத்தில் ஈடுபட்டவா்களிடம் விசாரணை நடத்தினாா்.

போராட்டத்தில் சங்கத்தின் முன்னாள் மாவட்டச் செயலா் மு.ராஜாமணி, மாவட்டச் செயலா் ஏ.வி.விவேகானந்தன், மாநில நிா்வாகிகள் கே.ஆா்.குப்புசாமி, வெ.சிவக்குமாா், ஆா்.சுந்தரமூா்த்தி உள்ளிட்டோா் பங்கேற்றனா்.