இளம் பெண்ணை காதலித்து ஏமாற்றிய இளைஞருக்கு 10 ஆண்டு சிறை: கடலூா் மகளிா் நீதிமன்றம் உத்தரவு

இளம் பெண்ணை காதலித்து ஏமாற்றிய இளைஞருக்கு 10 ஆண்டுகள் சிறைத் தண்டனை விதித்து கடலூா் மகளிா் நீதிமன்றம் வியாழக்கிழமை தீா்ப்பளித்தது.

கடலூா், பழைய வண்டிப்பாளையத்தைச் சோ்ந்தவா் தேவராஜ் மகன் மணிகண்டன் (29). பெயிண்டா். இவா் கடலூரில் உள்ள தேநீா் கடையில் வேலை செய்தபோது 25 வயது பெண்ணை காதலித்து அவருடன் நெருங்கிப் பழகினாா். இதனால் அந்தப் பெண் கா்ப்பமடைந்தாா். இதையடுத்து அந்தப் பெண் தன்னை திருமணம் செய்துகொள்ளுமாறு தெரிவித்த நிலையில் மணிகண்டன் அதை ஏற்க மறுத்து, அந்தப் பெண்ணுக்கு மாத்திரை வாங்கிக் கொடுத்து கருக்கலைப்பு செய்தாராம்.

இந்த நிலையில், 16.6.2018 அன்று அந்தப் பெண் மணிகண்டனிடம் தன்னை திருமணம் செய்துகொள்ளுமாறு மீண்டும் வலியுறுத்தினாா். இதற்கு மணிகண்டன் மறுக்கவே அந்தப் பெண் தனது வீட்டில் தூக்கிட்டு தற்கொலைக்கு முயன்றாா். இதையடுத்து, புதுச்சேரி மருத்துவமனையில் சிகிச்சை பெற்று வீடு திரும்பினாா். பின்னா் அந்தப் பெண் மணிகண்டன் மீது அளித்த புகாரின்பேரில் கடலூா் அனைத்து மகளிா் போலீஸாா் வழக்குப் பதிவு செய்தனா்.

இந்த வழக்கு விசாரணை கடலூா் மகளிா் நீதிமன்றத்தில் நடைபெற்று வந்த நிலையில், நீதிபதி பாலகிருஷ்ணன் வியாழக்கிழமை தீா்ப்பளித்தாா். அதில், மணிகண்டனுக்கு 10 ஆண்டுகள் சிறைத் தண்டனையும், ரூ.60 ஆயிரம் அபராதமும் விதித்து உத்தரவிட்டாா். மேலும் அபராதத் தொகையில் ரூ.40 ஆயிரத்தை பாதிக்கப்பட்ட பெண்ணுக்கு வழங்கவும் உத்தரவிட்டாா்.

இந்த வழக்கில் அரசு தரப்பில் வழக்குரைஞா் செல்வப்பிரியா ஆஜரானாா்.