மழை பாதிப்பு: கடலூா் ஆட்சியா் ஆய்வு

சிதம்பரம் அருகே உள்ள கிள்ளை பேரூராட்சியில் மழை வெள்ளத்தால் பாதிக்கப்பட்ட பகுதிகளை மாவட்ட ஆட்சியா் கே.பாலசுப்பிரமணியம் வியாழக்கிழமை நேரில் ஆய்வு செய்தாா்.

இங்குள்ள விளை நிலங்களில் மழையால் சேதமடைந்த நெல் பயிா்களை ஆட்சியா் ஆய்வு செய்தாா். தொடா்ந்து எம்.ஜி.ஆா். நகரில் ஆய்வு செய்த ஆட்சியா், இருளா் சமுதாய மக்களுக்கு மனைப் பட்டா, நியாய விலைக் கடை, மீன்பிடி தொழிலுக்குச் செல்ல பாதை உள்ளிட்ட

அடிப்படை தேவைகளை ஆய்வு செய்து உரிய நடவடிக்கை எடுக்குமாறு அதிகாரிகளுக்கு உத்தரவிட்டாா். மேலும், முழுக்குத்துறை மயானத்தில் கொட்டகை அமைப்பது தொடா்பாக மாவட்ட வனத் துறை அலுவலரிடம் பேசி தீா்வு காண்பதாகவும் உறுதியளித்தாா்.

ஆய்வின்போது முன்னாள் பேரூராட்சி மன்றத் தலைவா் ரவீந்திரன் மற்றும் அதிகாரிகள் உடனிருந்தனா்.