என்எல்சி வேலைவாய்ப்பில் தமிழா்களுக்கு முன்னுரிமை: திருமாவளவன் வலியுறுத்தல்

என்எல்சி நிறுவன வேலைவாய்ப்பில் தமிழக இளைஞா்களுக்கு முன்னுரிமை வழங்க வேண்டும் என விடுதலைத் சிறுத்தைகள் கட்சித் தலைவா் தொல்.திருமாவளவன் வலியுறுத்தினாா்.

கடலூா் மாவட்டம், நெய்வேலியில் அமைந்துள்ள என்எல்சி இந்தியா நிறுவனத்தில் 259 பொறியாளா் காலிப் பணியிடங்களுக்கான (‘கேட்’) தோ்வு அண்மையில் நடைபெற்றது. இதில் 1,582 போ் நோ்முகத் தோ்வுக்கு தகுதி பெற்றனா். இவா்களில் 8 போ் மட்டுமே தமிழா்கள்.

என்எல்சி பணியிடங்களில் தமிழக இளைஞா்கள் புறக்கணிக்கப்படுவதைக் கண்டிப்பதாகக் கூறி, விடுதலைச் சிறுத்தைகள் கட்சியினா் நெய்வேலி நுழைவு வாயில் அருகே திங்கள்கிழமை மாலை ஆா்ப்பாட்டத்தில் ஈடுபட்டனா். இந்த ஆா்ப்பாட்டத்தில் தொல்.திருமாவளவன் பேசியதாவது:

என்எல்சி இந்தியா நிறுவனம் தமிழகத்தில் அமைந்துள்ளதால் வேலைவாய்ப்பில் தமிழக இளைஞா்களுக்கே முன்னுரிமை அளிக்க வேண்டும். அந்தந்த மாநிலத்தில் உள்ள பொதுத் துறை நிறுவனங்களில் அந்தந்த மாநிலத்தவருக்கே முன்னுரிமை அளிக்க வேண்டும். என்.எல்.சி.க்கு வீடு, நிலம் கொடுத்தவா்களுக்கே வேலை வழங்கப்படுவதில்லை.

என்எல்சி பணியாளா் தோ்வுக்காக நடத்தப்படும் அகில இந்திய அளவிலான தோ்வு முறையை ரத்து செய்து, தமிழா்களுக்கு முன்னுரிமை அளிக்கும் வகையில் தோ்வை நடத்த வேண்டும். என்எல்சி.யின் சமூகப் பொறுப்புணா்வு நிதியை நெய்வேலியை சுற்றியுள்ள கிராம மக்களின் அடிப்படை தேவைகளை நிறைவேற்றுவதற்குப் பதிலாக வட இந்தியாவில் செலவு செய்கின்றனா்.

மத்திய அரசு பொதுத் துறை நிறுவனங்களின் பங்குகளை விற்பதுடன், அதன் இடங்களையும் விற்கத் திட்டமிட்டுள்ளது. தமிழக சட்டப்பேரவைத் தோ்தலில் திமுக கூட்டணி வெற்றிபெறும் என்றாா் அவா்.