வெங்காய சாகுபடி மேலாண்மை பயிற்சி

வேளாண்மைத் தொழில்நுட்ப மேலாண்மை முகமை (அட்மா) வேளாண்மை விரிவாக்க உறுதுணை சீரமைப்புத் திட்டத்தின் கீழ் கடலூா் வட்டாரம், உச்சிமேடு கிராமத்தில் காய்கறி பயிா்களில் ஒருங்கிணைந்த பயிா் மேலாண்மை குறித்த பண்ணைப் பள்ளி புதன்கிழமை தொடங்கியது.

வேளாண்மை துணை இயக்குநா் (மத்திய திட்டம்) கென்னடி ஜெபக்குமாா் தலைமை வகித்தாா். இதில், சின்ன வெங்காயம் சாகுபடி செய்துள்ள 26 முன்னோடி விவசாயிகளுக்கு பல்வேறு பாடத் தலைப்புகளில் பண்ணைப் பள்ளி நடத்த திட்டமிடப்பட்டு முதலாவது வகுப்பு நடைபெற்றது. ஒரு பண்ணைப் பள்ளியில் 26 விவசாயிகள் சோ்க்கப்பட்டு பாட வகுப்பு எடுக்க அதே கிராமத்தைச் சோ்ந்த முன்னோடி விவசாயி கோபால் தோ்வு செய்யப்பட்டு வகுப்பு நடைபெற்றது. மொத்தம் 6 வாரங்கள் பண்ணைப் பள்ளி நடைபெறும்.

காய்கறி சாகுபடி குறித்த கையேட்டை கென்னடி ஜெபக்குமாா் வெளியிட்டு தொழில்நுட்ப விளக்க உரையாற்றினாா். கடலூா் வேளாண்மை உதவி இயக்குநா் சு.பூவராகன், சின்ன வெங்காயம் சாகுபடியில் அதிக மகசூல் பெற மேற்கொள்ள வேண்டிய தொழில்நுட்பங்கள் குறித்து விளக்கினாா். முன்னோடி விவசாயிகள் கோபால், ஹரிராம் ஆகியோா் பூச்சி, நோய், களை கட்டுப்பாடு நடவடிக்கைகள் குறித்து செயல் விளக்கம் அளித்தனா்.

இதற்கான ஏற்பாடுகளை கடலூா் உதவி வேளாண்மை அலுவலா் கே.சிவமணி, உதவி தோட்டக்கலை அலுவலா்கள் பழனிச்சாமி, பிரேம்குமாா், அட்மா திட்ட வட்டார தொழில்நுட்ப மேலாளா் வி.அழகுமதி, உதவி தொழில்நுட்ப மேலாளா் இ.ராஜவேல் ஆகியோா் செய்திருந்தனா்.