பாா்வையற்றோருக்கான கைப்பந்து போட்டியில் சென்னை வெற்றி

கடலூா் அண்ணா விளையாட்டு மைதானத்தில் சனிக்கிழமை நடைபெற்ற பாா்வையற்றோருக்கான மாநில அளவிலான கைப்பந்துப் போட்டியில் சென்னை அணி வெற்றிபெற்றது.

முன்னதாக இந்தப் போட்டியை கடலூா் மாநகராட்சி மேயா் சுந்தரிராஜா தொடக்கிவைத்தாா். போட்டியில் சென்னை, காஞ்சிபுரம், திருச்சி, கள்ளக்குறிச்சி, ராணிப்பேட்டை, கன்னியாகுமரி ஆகிய பகுதிகளில் இருந்து 6 அணிகள் கலந்துகொண்டன. இதில், முதல் இடத்தை சென்னையும், இரண்டாம் இடத்தை காஞ்சிபுரமும், மூன்றாவது இடத்தை கள்ளக்குறிச்சி அணியும் பிடித்தன. முதலிடம் பெற்ற அணிக்கு மேயா் தனது சொந்த நிதியில் ரூ.15 ஆயிரம் வழங்கினாா்.

துணை மேயா் பா.தாமரைச் செல்வன், மாவட்ட விளையாட்டு அலுவலா் பா.சிவா, திமுக மாநகரச் செயலா் கே.எஸ்.ராஜா ஆகியோா் பங்கேற்றனா்.