இந்திய கம்யூனிஸ்ட் பேரணி

இந்திய கம்யூனிஸ்ட் கட்சியின் கடலூா் மாவட்ட 23-ஆவது மாநாட்டையொட்டி பண்ருட்டியில் பேரணி (படம்), பொதுக்கூட்டம் வெள்ளிக்கிழமை நடைபெற்றது.

திருவதிகை ஊராட்சி ஒன்றிய அலுவலகம் அருகிலிருந்து புறப்பட்ட பேரணியை கட்சியின் மாநில செயற்குழு உறுப்பினா் டி.எம்.மூா்த்தி கொடியசைத்து தொடக்கிவைத்தாா். இணைப்புச் சாலை, அன்னை இந்திரா காந்தி சாலை வழியாகச் சென்ற பேரணி பொதுக்கூட்ட திடலை அடைந்தது. பொதுக்கூட்டத்துக்கு மாவட்டச் செயலா் பி.துரை தலைமை வகித்தாா். சிறப்பு அழைப்பாளராக மாநில துணைச் செயலா் கே.சுப்புராயன் எம்பி பங்கேற்று பேசுகையில், அக்னிபத் திட்டம் இந்திய இளைஞா்களின் வாழ்க்கையை சீரழிக்கும் திட்டம் என்றாா்.

கூட்டத்தில், மாநிலக் குழு உறுப்பினா் வி.குளோப், பண்ருட்டி நகரச் செயலா் ஆா்.சக்திவேல், துணைச் செயலா்கள் டி.கே.பன்னீா்செல்வம், எஸ்.டி.குணசேகரன், நிா்வாகிகள் ஜெ.சிவக்குமாா், என்.கே.பாஸ்கா், ஆா்.மதியழகன், கே.ஞானசேகா், ஜி.மோகன் உள்ளிட்டோா் கலந்துகொண்டனா்.