மாற்றுத் திறனாளிகளுக்கான வேலைவாய்ப்பு முகாமில் 52 பேருக்கு பணி நியமன ஆணை: கள்ளக்குறிச்சி ஆட்சியா் வழங்கினாா்

கள்ளக்குறிச்சி மாவட்ட ஆட்சியா் அலுவலக வளாகத்தில் வெள்ளிக்கிழமை நடைபெற்ற மாற்றுத் திறனாளிகளுக்கான தனியாா் துறை வேலைவாய்ப்பு முகாமில் பணிக்குத் தோ்வு செய்யப்பட்ட 52 மாற்றுத் திறனாளிகளுக்கு பணி நியமன ஆணைகளை மாவட்ட ஆட்சியா் பி.என்.ஸ்ரீதா் வழங்கினாா்.

கள்ளக்குறிச்சி மாவட்ட வேலைவாய்ப்பு, தொழில்நெறி வழிகாட்டும் மையம், வட்ட மாற்றுத் திறனாளி நல அலுவலகம், தமிழ்நாடு மாநில ஊரக நகா்ப்புற வாழ்வாதார இயக்கம் ஆகியவை சாா்பில் மாற்றுத் திறனாளிகளுக்கான தனியாா் துறை வேலைவாய்ப்பு முகாம் வெள்ளிக்கிழமை நடைபெற்றது. இதில், 17 தனியாா் நிறுவனங்களும், 3 திறன் மேம்பாட்டு பயிற்சி நிறுவனங்களும் பங்கேற்றன.

இந்த முகாமில் 269 மாற்றுத் திறனாளிகள் பங்கேற்றனா். இவா்களில் பணிக்குத் தோ்வான 52 மாற்றுத் திறனாளிகளுக்கு பணி நியமன ஆணைகளையும், 24 மாற்றுத் திறனாளிகளுக்கு தொழில் திறன் மேம்பாட்டுப் பயிற்சிக்கான ஆணைகளையும் ஆட்சியா் வழங்கினாா்.

மேலும், மாற்றுத் திறனாளிகள் சுயதொழில் செய்து வருமானம் ஈட்டுவதற்கு மாவட்ட தொழில் மையம் வாயிலாக கடன் வழங்க 72 மாற்றுத் திறனாளிகளிடமிருந்து விண்ணப்பங்களும், மத்திய கூட்டுறவு வங்கி மூலமாக 49 மாற்றுத் திறனாளிகளிடமிருந்து விண்ணப்பங்களும் பெறப்பட்டன.

முகாமில் தமிழ்நாடு மாநில ஊரக நகா்ப்புற வாழ்வாதாரத் திட்ட இயக்குநா் சு.தேவநாதன், மாவட்ட வேலைவாய்ப்பு, தொழில்நெறி வழிகாட்டும் மைய அலுவலா் முரளிதரன், மாவட்ட மாற்றுத் திறனாளி நல அலுவலா் சுப்ரமணி, மாவட்ட தொழில் மைய பொது மேலாளா் ஏ.சந்திரசேகரன் மற்றும் அரசு அலுவலா்கள், மாற்றுத் திறனாளிகள் உள்ளிட்ட பலா் பங்கேற்றனா்.