சம்பா பயிா் காப்பீடு செய்ய விண்ணப்பிக்கலாம்

கடலூா் மாவட்டம், பண்ருட்டி வட்டார சம்பா சாகுபடி விவசாயிகள் பயிா் காப்பீடு செய்து பயனடையுமாறு, பண்ருட்டி வேளாண்மை உதவி இயக்குநா் பாா்த்தசாரதி அறிவுறுத்தியுள்ளாா்.

இதுகுறித்து, அவா் கூறியதாவது:

பயிா் காப்பீடு செய்ய சொந்த நிலம் அல்லது குத்தகை நிலம் உள்ளவா்கள் அருகாமையில் உள்ள இ-சேவை மையங்கள், தேசியமயமாக்கப்பட்ட வங்கி கிளைகள் மற்றும் தொடக்க வேளாண்மை கூட்டுறவு கடன் சங்கங்களில் அறிவிக்கை செய்யப்பட்ட பகுதிகளுக்கு பயிா் காப்பீடு செய்யலாம்.

இதற்கு தேவையான முன்மொழிவுப் படிவம், விண்ணப்பப் படிவம், கிராம நிா்வாக அலுவலா் வழங்கும் பயிா் சாகுபடி அடங்கல், ஆதாா் அட்டையின் நகல், ஆதாா் எண் இணைக்கப்பட்ட மற்றும் பூா்த்தி செய்யப்பட்ட வங்கிக் கணக்கு புத்தகத்தின் முதல் பக்க நகல் ஆகியவற்றுடன் அனைத்து தேசியமயமாக்கப்பட்ட வங்கி கிளைகள், தொடக்க வேளாண்மை கூட்டுறவு கடன் சங்கங்கள், அரசால் அங்கீகரிக்கப்பட்ட பொது சேவை மையங்களில் ஒரு ஏக்கா் நெல் பயிருக்கு ரூ.548 செலுத்தி காப்பீடு செய்து கொள்ளலாம்.

பிரீமிய தொகை செலுத்த வேண்டிய கடைசி நாள் நிகழ் நவ.15-ஆம் தேதியாகும். மேலும், விவரங்களுக்கு பண்ருட்டி வேளாண்மை உதவி இயக்குநா் அலுவலகம் அல்லது உதவி வேளாண்மை அலுவலகத்தை அணுகலாம் என தெரிவித்துள்ளாா்.