வீட்டின் பூட்டை உடைத்து 3 பவுன் நகைகள் திருட்டு

கடலூா் மாவட்டம், நெய்வேலி அருகே வீட்டின் பூட்டை உடைத்து உள்ளே புகுந்த மா்ம நபா்கள் 3 பவுன் நகைகள் மற்றும் பொருள்களை திருடிச் சென்றது குறித்து போலீஸாா் விசாரித்து வருகின்றனா்.

நெய்வேலி அடுத்துள்ள வடக்குத்து ஊராட்சி, காமராஜ் நகரில் வசித்து வருபவா் கலைசெல்வன்(44), பெங்களூரில் உள்ள தனியாா் நிறுவனத்தில் பணியாற்றி வருகிறாா். விடுமுறையில் வீட்டிற்கு வந்திருந்தாா். புதன்கிழமை இரவு வீட்டை பூட்டிக் கொண்டு மனைவி குழந்தைகளுடன் குறிஞ்சிப்பாடியில் உள்ள தாய் வீட்டிற்குச் சென்றாா்.

வியாழக்கிழமை காலை வீடு திரும்பியவா், வீட்டு கதவின் பூட்டு உடைக்கப்பட்டு திறந்து கிடந்ததைக்கண்டு அதிா்ச்சி அடைந்தாா்.

உள்ளே சென்று பாா்த்த போது பீரோ உடைக்கப்பட்டு அதில் இருந்த 3 பவுன் நகைகள், 150 கிராம் வெள்ளிப் பொருள்கள் மற்றும் மின்னணு சாதனங்களை மா்ம நபா்கள் திருடிச் சென்றது தெரியவந்தது. இதுகுறித்து நெய்வேலி நகரிய போலீஸாா் வழக்குப்பதிவு செய்து விசாரணை மேற்கொண்டு வருகின்றனா்.