தமிழக சட்டப்பேரவை குளிா்கால கூட்டத் தொடருக்கு வாய்ப்பில்லை? ஆற்று மணல் முறைகேடு: திமுக முன்னாள் அமைச்சர் துரைமுருகன் உள்பட 27 போ் பெயா்கள் வெளியீடு எஸ்ஐஆருக்கு எதிரான வழக்குகள்: டிச. 9-இல் உச்சநீதிமன்றம் விசாரணை பிரதமா் மோடி தலைமையில் இன்று மத்திய அமைச்சா்கள் கூட்டம்சென்னை, திருவள்ளூா் மாவட்டங்களுக்கு மஞ்சள் எச்சரிக்கைஅரக்கோணம் அரசு மருத்துவமனையில் தீவிர சிகிச்சைப் பிரிவு கட்டடம்: முதல்வா் திறந்து வைக்கிறாா்சிறப்பு டெட் தேர்வு: விண்ணப்பிக்க நாளை கடைசி

கடலூா் அருகே பைக், காரில் வந்து சிறுவனை கடத்த முயற்சி: போலீஸாா் விசாரணை

கடலூா் கூத்தப்பாக்கம் பகுதியில் டியூஷன் முடித்துவிட்டு வீடு திரும்பிக்கொண்டிருந்த சிறுவனை மா்ம நபா்கள் கடத்த முயன்ாகக் கூறப்படும் சம்பவம் குறித்து போலீஸாா் தீவிர விசாரணை நடத்தி வருகின்றனா்.

police

போலீஸ் - கோப்புப்படம்.

Updated On :

கடலூா் கூத்தப்பாக்கம் பகுதியில் டியூஷன் முடித்துவிட்டு வீடு திரும்பிக்கொண்டிருந்த சிறுவனை மா்ம நபா்கள் கடத்த முயன்ாகக் கூறப்படும் சம்பவம் குறித்து போலீஸாா் தீவிர விசாரணை நடத்தி வருகின்றனா்.

கடலூா் கூத்தப்பாக்கம் பகுதியைச் சோ்ந்த 7-ஆம் வகுப்பு படிக்கும் 11 வயது சிறுவன் திங்கள்கிழமை இரவு டியூஷன் முடித்துவிட்டு தனது வீட்டுக்கு தனியாக நடந்து சென்றாா். அப்போது, இரு பைக் மற்றும் காரில் வந்த மா்ம நபா்கள் அந்தச் சிறுவனை வழிமறித்துள்ளனா்.

இதில், பைக்கில் வந்த நபா்கள், ‘உனது தந்தை உன்னை அழைத்து வரச் சொன்னாா்’ என்று கூறி சிறுவனை தங்களுடன் வருமாறு அழைத்ததாகக் கூறப்படுகிறது. இதனால், அதிா்ச்சியடைந்த அந்தச் சிறுவன், சுதாரித்துக்கொண்டு அவா்களிடமிருந்து தப்பி ஓடி, வீட்டுக்குச் சென்று பெற்றோரிடம் நடந்த விவரத்தைக் கூறியுள்ளாா்.

இதையடுத்து, அப்பகுதி பொதுமக்கள் வெளியே வந்து சந்தேகத்துக்கிடமான நபா்கள் யாரேனும் நடமாடுகிறாா்களா எனத் தேடிப் பாா்த்தனா். பின்னா், இதுகுறித்து கடலூா் திருப்பாதிரிபுலியூா் காவல் நிலையத்திற்கு தகவல் அளிக்கப்பட்டது.

இதையடுத்து, சம்பவ இடத்துக்கு விரைந்து வந்த போலீஸாா், சிறுவனிடம் நடந்த சம்பவம் குறித்தும், அப்பகுதிகளைச் சுற்றி பொருத்தப்பட்டுள்ள கண்காணிப்புக் கேமராக்களை ஆய்வு செய்தும் விசாரணை மேற்கொண்டு வருகின்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.