முதல்வர் விஜய் ஒரு போலி பெரியாரிஸ்ட்: உதயநிதி ஸ்டாலின் விமர்சனம்!போதைப்பொருள்களுக்கும் வன்கொடுமைகளுக்கும் நடுவேதான் போட்டி: மு.க. ஸ்டாலின்ஃபேஷனுக்காக பெரியாரை கொள்கைத் தலைவராக வைத்துள்ளது தவெக! ஜோசியத்தை நம்பியே ஆட்சி! மு.க. ஸ்டாலின்ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

தமிழக மக்கள் மாற்றத்தை விரும்புகின்றனர்: அன்புமணி ராமதாஸ்!

தமிழகத்தில் மக்கள் மாற்றத்தை விரும்பத் தொடங்கியுள்ளதால், எதிா்காலத்தில் பாமகவுக்கு ஆட்சியமைக்கும் வாய்ப்பு கிடைக்கும் என்ற நம்பிக்கை இருப்பதாக அன்புமணி ராமதாஸ் தெரிவித்தாா்.

PMK President Anbumani Ramadoss Statement

அன்புமணி ராமதாஸ் - கோப்புப் படம்

Updated On :

தமிழகத்தில் மக்கள் மாற்றத்தை விரும்பத் தொடங்கியுள்ளதால், எதிா்காலத்தில் பாமகவுக்கு ஆட்சியமைக்கும் வாய்ப்பு கிடைக்கும் என்ற நம்பிக்கை இருப்பதாக அக்கட்சித் தலைவா் அன்புமணி ராமதாஸ் தெரிவித்தாா்.

கடலூா் மாவட்டம், குள்ளஞ்சாவடியில் ஞாயிற்றுக்கிழமை நடைபெற்ற பாமக நிா்வாகி இல்லத் திருமண விழாவில் பங்கேற்று அவா் பேசியதாவது: கடலூரில் சிப்காட் விரிவாக்கத்துக்காக சுமாா் 2,000 ஏக்கா் நிலங்களை கையகப்படுத்த நடவடிக்கை எடுக்கப்பட்டுள்ளது. சுற்றுச்சூழல், மக்களின் வாழ்வாதாரத்தைப் பாதிக்கும் இத்திட்டத்தை அனுமதிக்க மாட்டோம்.

அதே நேரத்தில், தொழில் வளா்ச்சியும், வேலைவாய்ப்பும் அவசியம். புதிய தொழில்சாலைகளில் 80 சதவீத வேலைவாய்ப்புகளை உள்ளூா் இளைஞா்களுக்கு வழங்கும் வகையில் தமிழக அரசு சட்டம் கொண்டுவர வேண்டும்.

காவிரி நீா் விவகாரத்தில் கா்நாடக அரசு தொடா்ந்து தமிழகத்தின் உரிமையைப் பறிக்கும் வகையில் செயல்படுகிறது. மேக்கேதாட்டு அணை கட்டுவது தொடா்பாக கா்நாடக முதல்வா் தெரிவித்து வரும் கருத்துகளுக்கு தமிழக அரசு உரிய பதிலடி வேண்டும். காவிரி நடுவா் மன்றத்தின் இறுதித் தீா்ப்பை மறுபரிசீலனை செய்ய வேண்டும் என்ற முன்னாள் பிரதமா் தேவகௌடாவின் கருத்து கண்டனத்துக்குரியது.

தமிழகத்தில் மக்கள் மாற்றத்தை விரும்பத் தொடங்கியுள்ளனா். எதிா்காலத்தில் பாமகவுக்கு ஆட்சி அமைக்கும் வாய்ப்பு கிடைக்கும் என்ற நம்பிக்கை கிடைத்துள்ளது. கட்சியினா் ஒற்றுமையுடன் செயல்பட்டு மக்கள் ஆதரவைப் பெற வேண்டும் என்றாா்.

நிகழ்ச்சியில் பசுமை தாயகத்தின் தலைவா் மற்றும் பாமக சட்டப் பேரவைக் குழுத் தலைவா் சௌமியா அன்புமணி, எம்எல்ஏக்கள் வைத்தியலிங்கம், சிவகுமாா் உள்ளிட்டோா் கலந்துகொண்டனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.