சிறுநெசலூா் பெரிய ஏரியில் மீன்பிடித் திருவிழா: ஆா்வமுடன் மீன் பிடித்த கிராம மக்கள்

கடலூா் மாவட்டம், வேப்பூா் அருகே சிறுநெசலூா் கிராமத்தில் உள்ள பெரிய ஏரியில் மீன்பிடித் திருவிழா திங்கள்கிழமை நடைபெற்றது. இதில் கிராம மக்கள் ஆா்வமுடன் மீன்களை பிடித்தனா்.

சிறுநெசலூா் பெரிய ஏரியில் ஆண்டுதோறும் நடைபெறும் இந்த மீன்பிடித் திருவிழாவில், கிராம மக்கள் அனைவரும் பங்கேற்று ஏரியில் மீன்பிடிப்பது வழக்கம். நிகழாண்டு மீன்பிடி விழா திங்கள்கிழமை நடைபெற்றது.இதையொட்டி, கிராம மக்கள் மற்றும் முக்கியப் பிரமுகா்கள் முன்னிலையில், முன்னாள் ஊராட்சி மன்றத் தலைவா் மஞ்சுளா வேல்முருகன் பச்சைக்கொடி அசைத்து மீன்பிடித் திருவிழாவைத் தொடங்கி வைத்தாா்.

இதையடுத்து, சிறுநெசலூா் மற்றும் சுற்றுவட்டாரக் கிராமங்களைச் சோ்ந்த ஏராளமானனோா்ஆா்வத்துடன் ஏரியில் இறங்கி வலை, கூடை உள்ளிட்டவற்றைப் பயன்படுத்தி மீன்களைப் பிடித்தனா்.

இதில் கெண்டை, கெளுத்தி, விரால் உள்ளிட்ட பல்வேறு வகையான நாட்டு ரக மீன்கள் பொதுமக்களிடம் சிக்கின. பிடித்த மீன்களை பொதுமக்கள் தங்களது வீடுகளுக்கு எடுத்துச் சென்றனா்.

நீண்ட நாள்களுக்குப் பிறகு கிராம மக்கள் அனைவரும் ஒன்றுகூடி பங்கேற்ால், ஏரிப் பகுதி முழுவதும் உற்சாகக் காட்சியளித்தது. இந்த மீன்பிடித் திருவிழா, கிராம மக்களின் பாரம்பரியத்தையும், சமூக ஒற்றுமையையும் வெளிப்படுத்தும் வகையில் அமைந்திருந்ததாக பொதுமக்கள் தெரிவித்தனா்.