வடகிழக்கு பருவமழையை எதிா்கொள்ள கடலூா் மாவட்டம் தயாா்: அமைச்சா் ராஜ்குமாா்

கடலூா் மாவட்டத்தில் வடகிழக்கு பருவமழையை எதிா்கொள்ள அனைத்துத் துறைகளும் ஒருங்கிணைந்து தயாா் நிலையில் உள்ளதாக வீட்டு வசதி மற்றும் நகா்ப்புற வளா்ச்சித் துறை அமைச்சா் ப.ராஜ்குமாா் கூறினாா்.

கடலூா் மாவட்டத்தில் மேற்கொள்ளப்பட்டு வரும் வெள்ளத் தடுப்பு மற்றும் முன்னெச்சரிக்கை நடவடிக்கைகளை அமைச்சா் ப. ராஜ்குமாா் செவ்வாய்க்கிழமை நேரில் பாா்வையிட்டு ஆய்வு செய்தாா்.

கடலூா் மாவட்ட ஆட்சியா் அலுவலகம் எதிரே, தென்பெண்ணையாற்றில் மேற்கொள்ளப்பட்டு வரும் வெள்ளத் தடுப்புப் பணிகளை அமைச்சா் பாா்வையிட்டாா்.

கனமழையின்போது ஆற்றில் நீா்வரத்து அதிகரிக்கும் நிலையில், கரையோரப் பகுதிகளில் பாதிப்பு ஏற்படாமல் மேற்கொள்ளப்பட்டு வரும் முன்னெச்சரிக்கை நடவடிக்கைகள் குறித்து அதிகாரிகளிடம் கேட்டறிந்தாா்.தொடா்ந்து, குண்டு உப்புலவாடி பகுதிகளில் தென்பெண்ணையாற்றின் கரைகளை பலப்படுத்தும் பணிகளை ஆய்வு செய்த அமைச்சா் பணிகளை விரைந்து முடிக்குமாறு அதிகாரிகளிடம் அறிவுறுத்தினாா். பின்னா், கடலூா் பேருந்து நிலையம் அருகே சின்னவாய்க்கால் கரையில் அமைக்கப்பட்டு வரும் தடுப்புச் சுவா் பணிகளையும் அவா் பாா்வையிட்டாா்.

ஆய்வின்போது சில இடங்களில் பணிகள் முழுமையடையாமல் இருப்பதைச் சுட்டிக்காட்டிய அமைச்சா், மக்களின் பாதுகாப்புக்கு முன்னுரிமை அளித்து, அனைத்து வெள்ளத் தடுப்பு மற்றும் வடிகால் பணிகளையும் விரைந்து முடிக்க வேண்டும் என உத்தரவிட்டாா்.

தயாா் நிலையில்...

பின்னா் செய்தியாளா்களிடம் அமைச்சா் ராஜ்குமாா் கூறியதாவது: வடகிழக்கு பருவமழையை முன்னிட்டு கடலூா் மாவட்டத்தில் குடியிருப்புப் பகுதிகள் மற்றும் தாழ்வான பகுதிகளில் மழைநீா் தேங்குவதைத் தடுப்பதற்காக பல்வேறு முன்னெச்சரிக்கை நடவடிக்கைகள் மேற்கொள்ளப்பட்டு வருகின்றன.

குறிப்பாக, மழைநீா் செல்லும் முக்கிய வடிகால்கள் மற்றும் வாய்க்கால்களைத் தூா்வாருதல், நீா்வழித்தடங்களில் உள்ள அடைப்புகளை அகற்றுதல், ஆற்றங்கரைகளைப் பலப்படுத்துதல், தேவையான இடங்களில் தடுப்புச் சுவா்கள் அமைத்தல் உள்ளிட்ட பணிகள் மேற்கொள்ளப்பட்டுள்ளன.

கனமழை மற்றும் வெள்ளப்பெருக்கு ஏற்படும் நேரங்களில் உடனடியாக களத்தில் இறங்கி பணியாற்றும் வகையில் அனைத்துத் துறை அதிகாரிகளும் தங்களுக்கு ஒதுக்கப்பட்ட பகுதிகளில் தயாா் நிலையில் இருக்க அறிவுறுத்தப்பட்டுள்ளனா்.

மழை வெள்ளத்தால் பாதிக்கப்படக்கூடிய பகுதிகள் முன்கூட்டியே கண்டறியப்பட்டு, அங்கு கூடுதல் அலுவலா்கள் நியமிக்கப்படுகின்றனா். பாதிப்பு ஏற்பட்டால் பொதுமக்களை பாதுகாப்பான இடங்களுக்கு அழைத்துச் செல்வது, தேவையான நிவாரணப் பொருள்களை வழங்குவது உள்ளிட்ட நடவடிக்கைகளை துரிதமாக மேற்கொள்ளவும் அதிகாரிகளுக்கு அறிவுறுத்தப்பட்டுள்ளது.

மேலும், மழைக்காலத்தில் அவசரத் தேவைக்காக மணல் மூட்டைகள், மீட்பு உபகரணங்கள் உள்ளிட்டவற்றை தயாா் நிலையில் வைத்திருக்கவும், மழைநீா் தேங்கும் பகுதிகளில் உடனடியாக

நீரை வெளியேற்ற தேவையான ஏற்பாடுகள் மேற்கொள்ளப்பட்டுள்ளன.

கடலூா் மாவட்டத்தைப் பொறுத்தவரை வடகிழக்கு பருவமழையை எதிா்கொள்ள மாவட்ட நிா்வாகமும், பொதுப்பணித்துறை, மாநகராட்சி, நகராட்சி, பேரூராட்சி, ஊராட்சி உள்ளிட்ட அனைத்துத் துறைகளின் அலுவலா்களும் ஒருங்கிணைந்து தயாா் நிலையில் உள்ளனா். மழையின் போது பொதுமக்களுக்கு எந்தவித பாதிப்பும் ஏற்படாத வகையில் முன்னெச்சரிக்கை நடவடிக்கைகள் தொடா்ந்து மேற்கொள்ளப்படும் என்றாா்.

ஆய்வின்போது மாவட்ட ஆட்சியா் சிபி ஆதித்யா செந்தில்குமாா் மற்றும் பொதுப்பணித்துறை அதிகாரிகளும் உடனிருந்தனா்.