சபரிமலைக்கு ஜன.17 வரை சிறப்புப் பேருந்துகள்திருப்பரங்குன்றம் தூணில் தீபம் ஏற்ற அனுமதிக்கக் கூடாது: உச்சநீதிமன்றத்தில் மதுரை ஆட்சியர் தரப்பில் வாதம் தவெக எம்எல்ஏ மீது வழக்குப் பதியக் கோரி மனு பயிா்க் கடன் தள்ளுபடி: கூடுதலாக ரூ.2,578 கோடி விடுவிப்பு ரூ.6,513 கோடியில் 2,221 சாலைப் பணிகள்: தமிழக அரசு நிா்வாக ஒப்புதல் பொருளாதாரப் பேரழிவை எதிா்கொள்கிறது இந்தியா: அமெரிக்காவில் ராகுல் காந்தி பேச்சு

தமிழகத்தில் பெண்களுக்கு எதிரான குற்றங்கள் அதிகரிப்பு: தமிழிசை செளந்திரராஜன் குற்றச்சாட்டு

தமிழகத்தில் பெண்களுக்கு எதிரான குற்றங்கள் அதிகரித்துள்ளதாக பாஜக மூத்த தலைவா் தமிழிசை செளந்தர்ராஜன் குற்றஞ்சாட்டினாா்.

கள்ளக்குறிச்சி தவெக எம்எல்ஏவை கண்டித்து நடைபெற்ற ஆா்ப்பாட்டத்தில் பேசிய பாஜக மூத்த தலைவா் தமிழிசை சௌந்தர்ராஜன்.

Updated On :

தமிழகத்தில் பெண்களுக்கு எதிரான குற்றங்கள் அதிகரித்துள்ளதாக பாஜக மூத்த தலைவா் தமிழிசை செளந்தர்ராஜன் குற்றஞ்சாட்டினாா்.

ஆபாச குறுஞ்செய்தி விவகாரத்தில் கள்ளக்குறிச்சி தொகுதி தவெக எம்எல்ஏ பதவியை ராஜநாமா செய்யவேண்டும் உள்ளிட்ட கோரிக்கைகளை வலியுறுத்தி பாஜக சாா்பில் கண்டன ஆா்ப்பாட்டம் கள்ளக்குறிச்சி கச்சேரி சாலையில் உள்ள அம்பேத்கா் திடல் முன் புதன்கிழமை நடைபெற்றது.

ஆா்ப்பாட்டத்துக்கு மாவட்டத் தலைவா் பாலசுந்தரம் தலைமை வகித்தாா். பாஜக மூத்த தலைவா் தமிழிசை சௌந்தர்ராஜன் சிறப்பு அழைப்பாளராக பங்கேற்றுப் பேசியது:

கள்ளக்குறிச்சி தொகுதி எம்எல்ஏ மாவட்ட ஆட்சியருக்கு 2 மாதத்துக்கு முன்பே குறுஞ்செய்தி அனுப்பியதாக பேசப்பட்டு வரும் நிலையில், தமிழக முதல்வா் விஜய் மெளனம் சாதிப்பது ஏன்?. தமிழகத்தில் பெண்களுக்கு எதிரான குற்றங்கள் அதிகரித்து வருகின்றன. ஆனால் பெண்களுக்கு பாதுகாப்பாக இருக்கிறேன் எனக்கூறி வாக்கு சேகரித்த விஜய், பெண்கள் தொடா்பான புகாா்களின் மீது நடவடிக்கை எடுக்க தயங்குவது ஏன்?. பெண்களை அண்ணன் என்று உரிமையோடு அழைக்க கூறிய வாா்த்தைகளுக்கு என்ன அா்த்தம். குறுஞ்செய்தி அனுப்பியதாக கேள்விப்பட்டதுமே எம்எல்ஏவை கண்டித்து, கட்சியிலிருந்து நீக்கி நடவடிக்கை எடுத்திருக்க வேண்டும். தமிழகத்தில் நடைபெறவுள்ள இடைத்தோ்தல்களுடன் கள்ளக்குறிச்சிக்கும் இடைத்தோ்தல் வந்திருந்தால் பெண்களின் பாதுகாப்புக்காக நிற்கும் முதல்வா் விஜய் என தன்னை நிருபித்திருக்க முடியும் என்றாா் அவா்.

ஆா்ப்பாட்டத்தில் கள்ளக்குறிச்சி மாவட்ட பாஜக நிா்வாகிகள் திரளாக பங்கேற்றனா்.

Story image

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.