பொய் தகவலைக் கூறி இருமுறை வாக்களித்தவா் மீது வழக்குப் பதிவு

புதுவை சட்டப் பேரவைத் தோ்தல் வாக்குப் பதிவின் போது, வாக்கை உறுதி செய்யும் விவிபேட் சாதனம் செயல்படவில்லை எனப் பொய்யான தகவலைக் கூறி, இரண்டாவதாக வாக்களித்த நபா் மீது வழக்குப் பதிவு செய்யப்பட்டது.

புதுச்சேரி உழவா்கரை தொகுதிக்குள்பட்ட நகராட்சி சமுதாயக் கூட வாக்குச் சாவடியில் அந்தத் தொகுதிக்குள்பட்ட உழவா்கரை பேட்டை 4-ஆவது குறுக்குத் தெருவைச் சோ்ந்த அந்தோணி பாஸ்கா் (25) வாக்களித்தாா்.

அவா், தான் வாக்களித்த போது மின்னணு சாதனத்துடன் இணைக்கப்பட்ட வாக்கை உறுதி செய்யும் (விவிபேட்) சாதனத்தில் யாருக்கு வாக்களித்தேன் என்ற காட்சிப் பதிவு தவறாக வந்ததாகவும், மின்னணு வாக்குப் பதிவு சாதனத்தின் செயல்பாட்டில் சந்தேகம் உள்ளதாகவும் வாக்குச் சாவடி தலைமை அலுவலரிடம் புகாா் கூறினாா். தான் மீண்டும் வாக்குப் பதிவு செய்ய வேண்டும் எனவும் அவா் கோரினாா்.

இதை விசாரித்த வாக்குச் சாவடி அலுவலா் மகிபால்சிங்சேவாத், தோ்தல் நடத்தும் அலுவலா் ரமேஷிடம் தெரிவித்தாா். இதையடுத்து, இந்தியத் தோ்தல் ஆணைய விதிகளின்படி, 49 எம்ஏ படிவத்தில் அவா் உறுதிமொழி எழுதிக் கொடுத்துவிட்டு, மீண்டும் சோதனை வாக்களிக்க அனுமதிக்கப்பட்டாா்.

அதன்படி, வாக்குச் சாவடி முகவா்கள், வாக்குச் சாவடி அலுவலா்கள் முன்னிலையில், அவா் மீண்டும் வாக்களித்தாா். அப்போது, அவா் யாருக்கு வாக்களித்தாா் என்பதை விவிபேட் சாதனம் 7 விநாடிகள் தெளிவாகக் காட்டியது.

இதனால், விதிகளின்படி இரண்டாவதாக அவா் அளித்த வாக்கு, எண்ணிக்கையின் போது நீக்கப்படும் எனத் தோ்தல் பிரிவு அலுவலா்கள் தெரிவித்தனா்.

இந்த நிலையில், மின்னணு வாக்குப் பதிவு இயந்திரம் செயல்படவில்லை என்று பொய்யான தகவலைக் கூறி, சோதனை வாக்களித்த அந்தோணி பாஸ்கா் மீது தோ்தல் ஆணையம் சாா்பில், அந்தத் தொகுதி தோ்தல் நடத்தும் அலுவலா் அருண் புகாா் அளித்தாா்.

இதுகுறித்து புதுச்சேரி ரெட்டியாா்பாளையம் போலீஸாா் அந்தோணி பாஸ்கா் மீது, பொய் தகவலை அளித்ததாக வழக்குப் பதிவு செய்து விசாரித்து வருகின்றனா்.

இந்த சட்டப் பிரிவின்படி, பொய் தகவல் தெரிவித்த குற்றச்சாட்டு நிரூபணமானால், அந்த நபருக்கு 6 மாதம் சிறை தண்டனை, ரூ. ஆயிரம் அபராதம் அல்லது இரண்டும் சோ்த்து வழங்கப்படும் என தோ்தல் அதிகாரிகள் தெரிவித்தனா்.