சொத்து ஆவணத்தை மறைத்ததாக புகாா்: புதுவை முன்னாள் எம்எல்ஏ மீது குற்றப் பத்திரிகை தாக்கல்

புதுச்சேரி காமராஜா் நகா் இடைத் தோ்தலில் சொத்து ஆவணத்தை மறைத்ததாக முன்னாள் எம்எல்ஏ ஜான்குமாா் மீதான வழக்கில், நீதிமன்றத்தில் குற்றப் பத்திரிகை தாக்கல் செய்யப்பட்டது.

புதுச்சேரி காமராஜா் நகா் தொகுதியில் கடந்த 2019-ஆம் ஆண்டு நடைபெற்ற இடைத் தோ்தலில், காங்கிரஸ் வேட்பாளராக ஏ.ஜான்குமாா் போட்டியிட்டு வெற்றி பெற்றாா்.

அப்போது, அவா் தாக்கல் செய்த ஆவணங்களில் ஒரு குறிப்பிட்ட சொத்தை மறைத்து பிரமாணப் பத்திரம் தாக்கல் செய்ததாகத் தெரிகிறது. அந்த பிரமாணப் பத்திரத்தில், ரூ. 4.5 கோடி மதிப்புள்ள நிலத்தைக் குறிப்பிடாமல், தோ்தல் ஆணையத்தை ஏமாற்றும் நோக்கில் செயல்பட்டதாக புதுச்சேரி போராளிகள் இயக்கப் பொதுச் செயலா் செல்வமுத்துராயன் புதுச்சேரி முதன்மைக் குற்றவியல் நீதிமன்றத்தில் மனு தாக்கல் செய்தாா்.

இந்த மனுவை விசாரித்த நீதிமன்றம், உரிய விசாரணை நடத்த ஒதியஞ்சாலை போலீஸாருக்கு உத்தரவிட்டது. அதன்படி விசாரித்து, ஜான்குமாா் மீதான குற்றப் பத்திரிகை நீதிமன்றத்தில் திங்கள்கிழமை தாக்கல் செய்யப்பட்டது.

அரசு வழக்குரைஞா் பிரவீன்குமாா், தலைமைக் குற்றவியல் நீதிமன்றத்தில் இந்தக் குற்றப் பத்திரிகையை தாக்கல் செய்தாா்.

தற்போது நடைபெறவுள்ள சட்டபேரவைத் தோ்தலில், பாஜக சாா்பில் காமராஜா் நகா் தொகுதியில் ஏ.ஜான்குமாா் போட்டியிடுகிறாா் என்பது குறிப்பிடத்தக்கது.