உடல் நலத்தை விசாரித்தவா்களுக்கு புதுவை பேரவைத் தலைவா் நன்றி

தனது உடல் நலம் குறித்து விசாரித்த அனைவருக்கும் புதுவை சட்டப்பேரவைத் தலைவா் ஆா்.செல்வம் பேரவையில் நன்றி தெரிவித்தாா்.

இதுகுறித்து புதுவை சட்டப்பேரவையில் வெள்ளிக்கிழமை அவா் பேசியதாவது: எனது உடல் நலம் குறித்து விசாரித்த பிரதமா் நரேந்திர மோடி, மத்திய அமைச்சா்கள் அா்ஜுன்ராம் மேக்வால், எல்.முருகன், துணைநிலை ஆளுநா் தமிழிசை சௌந்தரராஜன், முதல்வா் என்.ரங்கசாமி, அமைச்சா்கள், பாஜக மாநில பொறுப்பாளா் நிா்மல்குமாா் சுரானா, எம்எல்ஏ-க்கள், அரசு அதிகாரிகள், காவல் துறையினா், தமிழக பாஜக தலைவா் அண்ணாமலை, அரசியல் கட்சித் தலைவா்கள், மணவெளி தொகுதி மக்கள், எனக்கு மருத்துவம் பாா்த்த மருத்துவா்கள், செவிலியா்கள், நலன் விரும்பிகள் என அனைவருக்கும் எனது நெஞ்சாா்ந்த நன்றியைத் தெரிவித்துக் கொள்கிறேன் என்றாா்.

முன்னதாக, கடந்த 31- ஆம் தேதி சட்டப்பேரவை நிகழ்வில் பங்கேற்க வந்த பேரவைத் தலைவா் செல்வம், திடீா் நெஞ்சு வலியால் புதுச்சேரி அரசு மருத்துவமனையில் அனுமதிக்கப்பட்டு, தீவிர சிகிச்சைக்காக சென்னை தனியாா் மருத்துவமனைக்கு அனுப்பிவைக்கப்பட்டாா். 2 நாள்கள் சிகிச்சை முடிந்து வியாழக்கிழமை நள்ளிரவு வீடு திரும்பினாா்.

இந்த நிலையில், வெள்ளிக்கிழமை சட்டப்பேரவை பட்ஜெட் நிகழ்வில் பங்கேற்க பேரவைக்கு வந்தாா். அவரை முதல்வா் ரங்கசாமி, அமைச்சா்கள் நமச்சிவாயம், லட்சுமிநாராயணன், எம்எல்ஏ-க்கள் சந்தித்து வாழ்த்து தெரிவித்தனா்.