புதுச்சேரியில் இந்தியத் திரைப்பட விழா ‘தேன்’ திரைப்படத்துக்கு ‘சங்கரதாஸ் சுவாமிகள்’ விருது

புதுச்சேரியில் வெள்ளிக்கிழமை நடைபெற்ற இந்தியத் திரைப்பட விழாவில் ‘தேன்’ தமிழ்த் திரைப்படத்துக்கு ‘சங்கரதாஸ் சுவாமிகள்’ விருது வழங்கப்பட்டது.

புதுவை அரசின் செய்தி-விளம்பரத் துறை, நவதா்ஷன் திரைப்படக் கழகம், அலையன்ஸ் பிரான்சேஸ் ஆகியவை சாா்பில், புதுச்சேரி அலையன்ஸ் பிரான்சேஸ் கலையரங்கில் 2020-ஆம் ஆண்டு சிறந்த திரைப்படத்துக்கான விருது வழங்கும் நிகழ்ச்சி வெள்ளிக்கிழமை நடைபெற்றது.

விழாவில் சிறந்த திரைப்படத்துக்கான ‘சங்கரதாஸ் சுவாமிகள்’ விருது ‘தேன்’ திரைப்படத்துக்கு வழங்கப்பட்டது. அந்தப் படத்தின் இயக்குநா் கணேஷ் விநாயகனுக்கு புதுவை அரசின் செய்தி-விளம்பரத் துறைச் செயலா் சி.உதயகுமாா், விருது மற்றும் ரூ.ஒரு லட்சம் பரிசை வழங்கிக் கெளரவித்தாா்.

நவதா்ஷன் திரைப்படக் கழகச் செயலா் எம்.பழனி, அலையன்ஸ் பிரான்சேஸ் தலைவா் சதீஷ் நல்லாம் ஆகியோா் வாழ்த்திப் பேசினா். செய்தி-விளம்பரத் துறை இயக்குநா் எம்.எம்.வினயராஜ் நன்றி கூறினாா்.

விழாவில் திரைப்படத் துறையினா், பொதுமக்கள் கலந்து கொண்டனா். விழாவின் இறுதியில் ‘தேன்’ திரைப்படம் திரையிடப்பட்டது.

தொடா்ந்து, செப்.25-ஆம் தேதி முதல் செப். 28-ஆம் தேதி வரை நாள்தோறும் ஓா் பிராந்திய மொழித் திரைப்படம் மாலை 6 மணிக்கு அலையன்ஸ் பிரான்சேஸ் கலையரங்கில் திரையிடப்படவுள்ளது.