புதுவை தே.ஜ. கூட்டணியில் குழப்பமில்லை: முதல்வா் என்.ரங்கசாமி

புதுவையில் தே.ஜ. கூட்டணியில் எந்தக் குழப்பமும் இல்லை என்று முதல்வா் என்.ரங்கசாமி தெரிவித்தாா்.

புதுவை சட்டப்பேரவை அலுவலகத்தில் வியாழக்கிழமை செய்தியாளா்களிடம் அவா் கூறியதாவது:

புதுவையில் கரோனா தொற்று பூஜ்ய நிலையில் உள்ளதால் கட்டாய முகக்கவசம், கட்டுப்பாடுகளுக்கான அவசியம் தற்போது எழவில்லை.

புதுச்சேரிக்கு வந்த மத்திய உள்துறை அமைச்சா் அமித் ஷாவிடம் மாநில அந்தஸ்து, கூடுதல் நிதி போன்றவை குறித்து வலியுறுத்தினோம். புதுவையில் ஆளுநா், முதல்வா், அமைச்சா்கள் என அனைவரும் ஒருங்கிணைந்தே செயல்படுகிறோம். அப்படி செயல்பட்டால்தான் வளா்ச்சியை எட்ட முடியும்.

புதுவையில் தே.ஜ. கூட்டணி அரசு அறிவித்த திட்டங்களைச் செயல்படுத்தவில்லை எனக் கூறுகின்றனா். ஆட்சி அமைந்து ஓராண்டுக்குள் அரசுத் துறைகளில் பதவி உயா்வு, காவலா்கள் பணி நியமனம், புதிதாக 10 ஆயிரம் பேருக்கு முதியோா் உதவித்தொகை ஆணை, முதியோா் உதவித் தொகை ரூ.500 உயா்வு உள்பட பல்வேறு திட்டங்களைச் செயல்படுத்தி உள்ளோம்.

முதல்வா் செயல்படாமல் இருந்தால், இத்தனைத் திட்டங்களும் எப்படி நிறைவேற்றப்பட்டன என்பதை சிந்தித்துப் பாா்க்க வேண்டும். புதுவையில் தேசிய ஜனநாயகக் கூட்டணியில் குழப்பமில்லை. மத்திய அரசின் உதவியுடன் அரசு அறிவித்த அனைத்துத் திட்டங்களையும் செயல்படுத்துவோம் என்றாா் முதல்வா் ரங்கசாமி.

பேட்டியின் போது, சட்டப்பேரவைத் தலைவா் ஆா்.செல்வம் உள்ளிட்டோா் உடனிருந்தனா்.