மறைந்த முன்னாள் முதல்வருக்கு அமைச்சா் கே.என்.நேரு மரியாதை

மறைந்த புதுவை முன்னாள் முதல்வா் டி.ராமச்சந்திரனின் உருவப் படத்துக்கு தமிழக அமைச்சா் கே.என்.நேரு புதன்கிழமை மலா் தூவி மரியாதை செலுத்தினாா்.

புதுவை முன்னாள் முதல்வா் டி.ராமச்சந்திரன் கடந்த 8- ஆம் தேதி காலமானாா். புதுச்சேரி மடுகரையில் உள்ள அவரது இல்லத்துக்கு அமைச்சா் கே.என்.நேரு புதன்கிழமை வந்து, ராமச்சந்திரனின் குடும்பத்தினருக்கு தமிழக முதல்வா் சாா்பில் இரங்கல் தெரிவித்தாா். மேலும், டி.ராமச்சந்திரனின் உருவப் படத்துக்கு மலா் தூவி மரியாதை செலுத்தினாா்.

புதுவை மாநில திமுக அமைப்பாளா் இரா.சிவா எம்எல்ஏ, விக்கிரவாண்டி எம்எல்ஏ அன்னியூா் அ.சிவா, கண்டமங்கலம் ஊராட்சி ஒன்றியக் குழுத் தலைவா் வாசன் உள்ளிட்டோா் உடனிருந்தனா்.