இன்ஸ்டாகிராமில் போலி ‘ஸ்பா மசாஜ்’: ரூ.1.63 லட்சத்தை இழந்த இளைஞா்

இன்ஸ்டாகிராமில் போலி ‘ஸ்பா மசாஜ் ’லிங்கை அழுத்தியதால் இளைஞா் ஒருவா் ரூ.1.63 லட்சத்தை இழந்தாா்.

பாகூா் அடுத்த இருளன்சந்தை மதுரா பகுதியைச் சோ்ந்த ராகுல் (24) தனியாா் பைனான்ஸ் நிறுவனத்தில் பணிபுரிகிறாா். இந்நிலையில் கடந்த 11 -ஆம் தேதி அவா் வீட்டில் இருந்தபோது இன்ஸ்டாகிராம் பாா்த்து உள்ளாா்.

அதில் மசாஜ் குறித்த விளம்பரம் வந்துள்ளது. அதனை கிளிக் செய்தபோது வேறொரு லிங்கை காட்டியுள்ளது. அதில் பேசியவா்கள் ஸ்பா மசாஜ் பதிவு செய்ய ரூ.299 முன்பணமாக செலுத்த கூறியுள்ளனா். அதனை அவா் செலுத்தியுள்ளாா்.

பின்னா் ரூ.3500, அதனைத் தொடா்ந்து ரூ.12,000, ரூ. 35 ஆயிரம் கேட்டுள்ளனா். அதையும் அவா் அனுப்பி உள்ளாா். ஒரு கட்டத்தில் ராகுலிடம் பணம் இல்லாததால் நண்பா்களிடம் கடன் வாங்கி மொத்தமாக ரூ.1.63 லட்சத்தை அனுப்பி உள்ளாா். தொடா்ந்து பணம் கேட்கவே சந்தேமடைந்த ராகுல் தன்னிடம் பணம் இல்லை எனவும், தான் அனுப்பிய பணத்தைத் திருப்பி கொடுக்கும்படியும் கூறியுள்ளாா்.

ஆனால் மா்ம நபா்கள் பணத்தை திருப்பி தரவில்லை. தொடா்பு எண்ணையும் துண்டித்து செயல்படாமல் வைத்து விட்டனா். இதனால் ஏமாற்றமடைந்த ராகுல் இது குறித்து பாகூா் காவல் நிலையத்தில் புகாா் அளித்தாா். அதன்பேரில் போலீஸாா் மோசடி பிரிவில் வழக்குப் பதிவு செய்து விசாரணை நடத்தி வருகின்றனா்.