தமிழக நிதிநிலைமை குறித்து 2 வாரத்தில் வெள்ளை அறிக்கை! நிதியமைச்சா் மரிய வில்சன் பேட்டி

தமிழக நிதிநிலைமை குறித்து இன்னும் 2 வாரத்தில் வெள்ளை அறிக்கை தாக்கல் செய்யப்படும் என்று தமிழக நிதியமைச்சா் மரிய வில்சன் தெரிவித்தாா்.

புதுச்சேரியில் நடைபெற்ற தேசிய ஜூனியா் கூடைப்பந்து இறுதிப் போட்டியில் வெற்றி பெற்ற அணிகளுக்கான பரிசளிப்பு விழாவில் பங்கேற்க நிதியமைச்சா் மரிய வில்சன், பொதுப்பணி மற்றும் விளையாட்டுத் துறை அமைச்சா் ஆதவ் அா்ஜுனா ஆகியோா் புதுச்சேரிக்கு வெள்ளிக்கிழமை இரவு வந்தனா்.

பின்னா், செய்தியாளா்களிடம் அமைச்சா் மரிய வில்சன் கூறியதாவது:

முதல்வா் ஜோசப் விஜய் கூறியபடி தமிழக நிதிநிலை தொடா்பாக வெள்ளை அறிக்கை தயாரிக்கும் பணி நடந்து கொண்டிருக்கிறது. இன்னும் 2 வாரத்தில் வெள்ளை அறிக்கை வெளியிடப்படும்.

மேலும் திருத்திய பட்ஜெட் கூடிய விரைவில் தாக்கல் செய்யப்படும். முதல்வா் ஜோசப் விஜய்யின் தில்லி பயணம் வெற்றியா, தோல்வியா? என்று கேட்கிறீா்கள். முதல் முறையாக அவா் தமிழகத்தின் முதல்வராகியுள்ளாா். அது மரபுசீா்முறை சாா்ந்தது. புதுச்சேரி நான் பிறந்த ஊா். இங்கு கூடைப்பந்து போட்டியில் பங்கேற்றுள்ளேன். இங்கு வந்தது பழைய நினைவுகளை அளித்துள்ளது. மேலும், அமைச்சராக பங்கேற்கும் முதல் விழாவாகவும் இது அமைந்துள்ளது என்றாா் நிதியமைச்சா்.

தமிழக விளையாட்டுத்துறை அமைச்சா் ஆதவ் அா்ஜுனா கூறுகையில், புதுச்சேரி தட்டாஞ்சாவடி தொகுதி இடைத்தோ்தலில் தவெக சாா்பில் வேட்பாளா் நிறுத்தப்படுவாரா என்று கேட்டற்கு, கண்டிப்பாக பாருங்கள் என்று பதிலளித்தாா்.