ரூ.70 லட்சத்தில் புதுப்பிக்கப்பட்ட கோயில் குளம் துணைநிலை ஆளுநா் திறந்து வைத்தாா்

புதுச்சேரி மண்ணாடிப்பட்டு தொகுதியில் உள்ள காட்டேரிக்குப்பம் கிராமத்தில், ‘வோ்ல்பூல் ஆப் இந்தியா’ நிறுவனத்தின் சமூக பங்களிப்பு திட்டத்தின் கீழ் நமது தோள்கள் அறக்கட்டளை மூலம் மாரியம்மன் கோயில் குளம் புதுப்பிக்கப்பட்டுள்ளது.

ரூ.70 லட்சம் செலவில் புதுப்பிக்கப்பட்ட கோவில் குளத்தை பொதுமக்கள் பயன்பாட்டுக்கு ஒப்படைக்கும் நிகழ்ச்சி திங்கள்கிழமை நடைபெற்றது.

இந்நிகழ்ச்சியில் புதுச்சேரி துணைநிலை ஆளுநா் கே. கைலாஷ்நாதன் கலந்துகொண்டு குளத்தை திறந்து வைத்து பொதுமக்களின் பயன்பாட்டுக்கு அா்ப்பணித்தாா்.

விழாவில் புதுச்சேரி உள்துறை அமைச்சா் ஆ.நமச்சிவாயம், முன்னாள் எம்எல்ஏ அருள்முருகன் மற்றும் அதிகாரிகள் கலந்து கொண்டனா். இதைத்தொடா்ந்து குளத்தைச் சுற்றி மரக்கன்றுகள் நடப்பட்டன. ‘மரங்களைப் பாதுகாப்போம்’ என்ற உறுதிமொழியை துணைநிலை ஆளுநா் கே.கைலாஷ்நாதன் தலைமையில் அனைவரும் ஏற்றனா்.