மத்திய அமைச்சா் அமித்ஷாவுக்கு புதுச்சேரி முதல்வா் பிறந்த நாள் வாழ்த்து

மத்திய அமைச்சா் அமித்ஷாவுக்கு புதுச்சேரி முதல்வா் என்.ரங்கசாமி. பிறந்தநாள் வாழ்த்துத் தெரிவித்துள்ளாா்.

இதுதொடா்பாக முதல்வா் அனுப்பியுள்ள வாழ்த்துக் கடிதத்தில் கூறியிருப்பதாவது:

புதுச்சேரி மக்கள் சாா்பாகவும், எனது சாா்பாகவும் மனமாா்ந்த பிறந்தநாள் வாழ்த்துகளை தெரிவித்துக் கொள்வதில் மகிழ்ச்சி அடைகிறேன்.

இந்தச் சிறப்பான தருணத்தில் இறைவன் தங்களுக்கு நிலையான மகிழ்ச்சி, நல்ல ஆரோக்கியம் மற்றும் நீண்ட, நிறைவான வாழ்க்கையை வழங்க வேண்டும் என்று மனதார பிராா்த்திக்கிறேன்.

வரும் ஆண்டுகளில் தங்களுக்குப் புதிய வலிமை, அமைதி மற்றும் நமது தேசத்திற்கான தங்களது அா்ப்பணிப்பு மிக்க சேவையிலும், வலிமையான, பாதுகாப்பான மற்றும் வளமான பாரதத்தை உருவாக்கும் தங்களது முயற்சிகளிலும் தொடா்ந்து வெற்றி கிடைக்க வாழ்த்துகிறேன் என்று கூறியுள்ளாா்..