புதுச்சேரியில் ஆா்எஸ்எஸ் அணிவகுப்பு ஊா்வலம்

புதுச்சேரியில் ஆா்எஸ்எஸ் அணிவகுப்பு ஊா்வலம் ஞாயிற்றுக்கிழமை நடைபெற்றது.

புதுச்சேரியில் ஆா்எஸ்எஸ் சாா்பில் 101-ஆவது விஜயதசமி விழா அணிவகுப்பு ஊா்வலம் மற்றும் பொதுக்கூட்டம் ஞாயிற்றுக்கிழமை நடைபெற்றது.

புதுச்சேரி மறைமலையடிகள் சாலையில் புதிய பேருந்து நிலையம் அருகே தொடங்கிய ஆா்எஸ்எஸ் அணிவகுப்பு ஊா்வலத்தில் பாஜக மாநில தலைவா் வி.பி. ராமலிங்கம், உள்துறை அமைச்சா் ஆ.நமச்சிவாயம், சு. செல்வகணபதி எம்.பி., சட்டப்பேரவை முன்னாள் தலைவா் ஆா்.செல்வம் மற்றும் சங் பரிவாா் அமைப்புகளைச் சோ்ந்த பலா் வெள்ளைச் சட்டை, காக்கி நிற பேண்ட் அணிந்து அணிவகுத்துச் சென்றனா்.

அண்ணா சாலை, நேரு வீதி, மிஷன் வீதி வழியாகச் சென்ற ஊா்வலம் கடற்கரை காந்தி சிலை அருகே நிறைவடைந்தது. காவிக் கொடியேற்றத்துடன் தொடங்கிய நிகழ்ச்சியில், பங்கேற்றவா்கள் உறுதிமொழியும் ஏற்றுக் கொண்டனா். தொடா்ந்து பொதுக்கூட்டம் நடைபெற்றது. இந்த ஊா்வலத்தையொட்டி பலத்த போலீஸ் பாதுகாப்பு போடப்பட்டிருந்தது.