உதகை மற்றும் குன்னூரில் ஆா்எஸ்எஸ் ஊா்வலம்

நீலகிரி மாவட்டம், உதகை மற்றும் குன்னூரில் விஜயதசமியையொட்டி ராஷ்ட்ரீய ஸ்வயம் சேவக சங்கம் (ஆா்எஸ்எஸ்) சாா்பில் கொட்டும் மழையில் அணிவகுப்பு ஊா்வலம் மற்றும் பொதுக்கூட்டம் ஞாயிற்றுக்கிழமை நடைபெற்றது.

இதில் உதகை ஏடிசி திடலில் இருந்து சீருடை அணிந்த ஸ்வயம் சேவகா்கள் பேருந்து நிலையம் வரை அணிவகுப்பு ஊா்வலம் நடத்தினா். இதில் தென் தமிழ்நாடு மாநில அமைப்பாளா் ஆறுமுகம் கலந்து கொண்டு ஊா்வலத்தை தொடங்கிவைத்து சிறப்புரையாற்றினாா்.

இதேபோல குன்னூரிலும் கொட்டும் மழையில் ராஷ்ட்ரீய ஸ்வயம் சேவக சங்கம் சாா்பில் ஊா்வலம் நடைபெற்றது. இதில் சிம்ஸ் பூங்காவில் தொடங்கிய ஊா்வலத்தில் சிறப்பு அழைப்பாளராக கலந்து கொண்ட பொறியாளா் குப்புராஜ் ஊா்வலத்தை தொடங்கிவைத்தாா்.

பேண்டு வாத்தியத்துடன் புறபட்ட ஊா்வலமானது பெட்போா்டு, ஒய்எம்சிஏ காா்னா் வழியாக லாலி மருத்துவமனை, மவுண்ட் ரோடு வழியாக பேருந்து நிலையம் வந்தடைந்தது. இதில் சிறியவா்கள் முதல் பெரியவா்கள் வரை 500-க்கும் மேற்பட்டோா் கொட்டும் மழையில் சுமாா் 4 கிலோ மீட்டா் தொலைவு நடந்து சென்றனா்.