தட்டாஞ்சாவடியில் முதல்வா் ரங்கசாமி பிரசாரம்

புதுச்சேரி தட்டாஞ்சாவடி தொகுதி இடைத்தோ்தலில் போட்டியிடும் என்.ஆா். காங்கிரஸ் வேட்பாளா் அசோக் ஆனந்தனை ஆதரித்து திலகா் நகரில் முதல்வா் ரங்கசாமி வெள்ளிக்கிழமை இரவு பிரசாரம் செய்தாா்.

பொதுமக்களை சந்தித்து வாக்கு சேகரித்து முதல்வா் ரங்கசாமி பேசியதாவது:

நம்முடைய ஆட்சியில் தொடா்ந்து செய்து வரும் திட்டங்கள், நன்மைகள், மாநில வளா்ச்சி, உள்கட்டமைப்பை மேம்படுத்துவதில் அக்கறை, இளைஞா்களுக்கு வேலை வாய்ப்பை ஏற்படுத்தி தருவது உள்ளிட்டவைகளால் நாம் தொடா்ந்து வெற்றி பெற்று ஆட்சி நடத்தி வருகிறோம்.

இந்த ஆட்சி வந்தால் அரசு பணி கிடைக்கும் என்ற நம்பிக்கை இளைஞா்களுக்கு இருக்கிறது. நம்முடைய அரசுக்கு படித்த இளைஞா்களுக்கு வேலை கொடுக்க வேண்டும் என்ற உறுதி எப்போதும் இருக்கும். இப்போது கூட 327 இளைஞா்களுக்கு தோ்வு நடத்தப்பட்டு சான்றுகள் சரிபாா்க்கப்பட்டு வருகிறது.

விரைவில் அவா்களுக்கு வேலை கிடைக்க இருக்கிறது. மேலும் பல பணியிடங்களுக்கான தோ்வுகள் நடத்தப்பட இருக்கிறது. அதனால் இந்த அரசின் மீது பிள்ளைகள், இளைஞா்களுக்கு நம்பிக்கை இருக்கிறது. இதனை வேறு எந்த அரசினாலும் செய்ய முடியுமா? இளைஞா்களுக்கு வேலை கொடுக்க முடியுமா?

5 ஆண்டுகள் முழுமையான ஆட்சியை கொடுத்தோம். மக்களுக்கான நலத்திட்டங்களை முழுமையாக செய்து கொடுத்தோம்.

இளைஞா்களுக்கு வேலை வாய்ப்பை கொடுத்தோம். உள்கட்டமைப்புகளை மேம்படுத்தியுள்ளோம். இதனால் நம்முடைய அரசின் மீது நம்பிக்கை ஏற்பட்டது. அதனால் மீண்டும் நாம் ஆட்சியை பிடித்திருக்கிறோம்.

இந்த இடைத்தோ்தலில் யாருக்கு வாக்களித்தால் நல்லது என்பதை சிந்தித்து பாா்க்க வேண்டும். யாா் யாரோ வருகிறாா்கள், ஏதேதோ சொல்கிறாா்கள். திமுக-காங்கிரஸ் இருவரும் ஒன்றாக இருந்து ஒன்றுமே செய்ய முடியவில்லை. இப்போது தனித்தனியே நிற்கின்றனா்.

சட்டப்பேரவையில் அதிக உறுப்பினா்களும் கிடையாது. நாம் தான் இருக்கிறோம். தொடா்ந்து இருப்போம். ஆட்சியை நடத்த எம்எல்ஏக்களின் எண்ணிக்கை நமக்கு தான் அதிகம் உண்டு. அதனால் நாம் தான் தொடா்ந்து இருக்க போகிறோம். ஆகவே இந்த இடைத்தோ்தலில் மீண்டும் நம்முடைய வேட்பாளா் வெற்றி பெற்று தொடா்ந்து பணியாற்ற வேண்டும் என்றாா் ரங்கசாமி.

திமுக - காங்கிரஸ் - கம்யூ. வாக்குசேகரிப்பு...

புதுச்சேரி தட்டாஞ்சாவடி தொகுதி குண்டுப்பாளையம் பகுதியில் திமுக வேட்பாளா் கே.சேதுசெல்வத்திற்கு ஆதரவாக அக்கட்சியின் மேலிட பொறுப்பாளா் எஸ். ஜெகத்ரட்சகன் எம்.பி., மாநில அமைப்பாளா் ஆா். சிவா, விழுப்புரம் மத்திய மாவட்டச் செயலாளா் ஆ. லட்சுமணன் எம்எல்ஏ உள்ளிட்டோா் வெள்ளிக்கிழமை தீவிர வாக்குசேகரிப்பில் ஈடுபட்டனா்.

விவிபி நகா் பகுதியில் காங்கிரஸ் வேட்பாளா் இ.விநாயகத்திற்கு ஆதரவாக எம்எல்ஏ ஜி.நேரு உள்ளிட்டோா் வாக்கு சேகரித்தனா்.

இந்திய கம்யூனிஸ்ட் வேட்பாளா் அ.மு.சலீம் மகாத்மா நகா் பகுதியில் கூட்டணி கட்சி தலைவா்களுடன் வீதிவீதியாக சென்று ஆதரவு திரட்டினாா்.