விழுப்புரம் மாவட்டம், வானூர் அருகே இளைஞர் ஞாயிற்றுக்கிழமை இரவு வெட்டிப் படுகொலை செய்யப்பட்டார். இது குறித்து போலீஸார் தீவிரமாக விசாரணை நடத்தி வருகின்றனர்.
விழுப்புரம் மாவட்டம், ஆரோவில் அருகே மொரட்டாண்டி, மாரியம்மன் கோயில் தெருவைச் சேர்ந்த ஏழுமலை மகன் சந்தோஷ்குமார்(23). இவர், புதுச்சேரி மாநிலம் தட்டாஞ்சாவடியில் உள்ள தனியார் இரும்பு உதிரிபாக தொழிற்சாலையில் பணிபுரிந்து வந்தார். ஞாயிற்றுக்கிழமை இரவு பணி முடிந்து வீட்டுக்குப் புறப்பட்டார். ஆனால், அவர் வீட்டுக்கு வந்து சேரவில்லையாம்.
இந்த நிலையில், திங்கள்கிழமை காலை வானூர் அருகே புளிச்சப்பள்ளம் பகுதியில் உள்ள சவுக்குத் தோப்பில், தலை, கழுத்தில் வெட்டுக்காயங்களுடன் சடலமாக இளைஞர் ஒருவர் கிடப்பதாக அப்பகுதி மக்கள் போலீஸுக்குத் தகவல் கொடுத்தனர். இதையடுத்து, அங்கு சென்று வானூர் காவல் நிலைய ஆய்வாளர் திருமேனி பார்வையிட்டு விசாரித்தார். அதில், கொலை செய்யப்பட்டுக் கிடந்தது சந்தோஷ்குமார் என்பது தெரிய வந்தது. சடலம் உடல் கூறு ஆய்வுக்காக புதுச்சேரியில் உள்ள தனியார் மருத்துவமனைக்கு அனுப்பி வைக்கப்பட்டது.
இதுதொடர்பாக வழக்குப் பதிந்த வானூர் போலீஸார், சந்தோஷ்குமார் எதற்கு இங்கு வந்தார், அவரை கொலை செய்தது யார், முன்விரோதம் காரணமாக கொலை நிகழ்ந்ததா என விசாரணை நடத்தி வருகின்றனர். திங்கள்கிழமை மாலை சம்பவ இடத்துக்கு நேரில் சென்று, மாவட்ட காவல் கண்காணிப்பாளர் ஜெயக்குமார் விசாரணை மேற்கொண்டார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
தொடர்புடையது

96 வயதில் காலமான ரியல் மாட்ரிட் அணியின் லெஜண்டரி வீரர்!

பிகார் புதிய அமைச்சரவையில் யார் யாருக்கு எந்தெந்த துறைகள்?

தொகுதி மறுவரையறை! தென் மாநிலங்கள் பாதிக்கப்படுவது எவ்வாறு?

அமெரிக்கா-ஈரான் இடையே பேச்சுவார்த்தை என்ற நம்பிக்கையால் சென்செக்ஸ், நிஃப்டி எழுச்சி!
வீடியோக்கள்

தொகுதி மறுவரையறையில் யார் சொல்வது உண்மை ? | Delimitation | MK Stalin | Annamalai | BJP | DMK
தினமணி செய்திச் சேவை

தொகுதி மறுவரையறையை எதிர்த்து நாளை தமிழ்நாடு முழுவதும் கருப்புக் கொடி ஏற்றும் போராட்டம்!
இணையதளச் செய்திப் பிரிவு

ராத்து ராசன் பாடல்!
இணையதளச் செய்திப் பிரிவு

#ipl2026 | ராஜஸ்தானைக் கலங்கடித்த அறிமுக வீரர்: யார் இந்த பிரஃபுல் ஹிங்கே? | Praful Hinge |
தினமணி செய்திச் சேவை

