விவசாயிகளுக்கு வேளாண் இடுபொருள்கள் அளிப்பு

திருக்கோவிலூர் அருகே ஏமப்பேர் கிராமத்தில் விவசாயிகளுக்கு வேளாண் இடுபொருள்கள் செவ்வாய்க்கிழமை வழங்கப்பட்டன. 
9 விவசாயிகளுக்கு உளுந்து மினி கிட்டுகள், தெளிப்பு நீர் பாசனக் கருவிகள், மழைத்தூவான்கள் போன்ற இடுபொருள்களை திருக்கோவிலூர் சார்-ஆட்சியர் சாருஸ்ரீ வழங்கினார். வேளாண்மைத் துறை மூலமாக செயல்படுத்தப்படும் பல்வேறு திட்டங்களின் செயல்பாடுகள் குறித்து வேளாண்மை உதவி இயக்குநர் எஸ்.கனகலிங்கம் பேசினார். நிகழ்ச்சி ஏற்பாடுகளை வேளாண் அலுவலர்கள் ஆனந்தஜோதி, உதவி வேளாண்மை அலுவலர்கள் ம.வெங்கடகிருஷ்ணன், ஞானவேல், வெங்கடேசப்பெருமாள், திருமலை ஆகியோர் செய்திருந்தனர்.