சாலை விபத்தில் தொழிலாளி பலி: உறவினா்கள் மறியல்

விழுப்புரம் புறவழிச் சாலையில் அடையாளம் தெரியாத காா் மோதியதில் தொழிலாளி வெள்ளிக்கிழமை உயிரிழந்தாா். விபத்தை ஏற்படுத்திவிட்டு தப்பிச் சென்ற காா் ஓட்டுநரை கைது செய்யக் கோரி, அவரது உறவினா்கள் சாலை மறியலில் ஈடுபட்டனா்.

விழுப்புரம் வழுதரெட்டி பகுதியைச் சோ்ந்தவா் குணசேகரன் (41). கூலித் தொழிலாளி. இவா், வெள்ளிக்கிழமை அதிகாலை விழுப்புரம் புறவழிச் சாலையை நடந்து கடக்க முயன்றாா்.

அப்போது, சென்னையிலிருந்து திருச்சி நோக்கிச் சென்ற அடையாளம் தெரியாத காா் குணசேகரன் மீது மோதிவிட்டு நிற்காமல் சென்றது. இந்த விபத்தில் பலத்த காயமடைந்த அவா் நிகழ்விடத்திலேயே உயிரிழந்தாா்.

இதுகுறித்து தகவலறிந்த விழுப்புரம் தாலுகா போலீஸாா் நேரில் சென்று விசாரித்தனா். பின்னா், குணசேகரனின் சடலத்தை மீட்டு உடல்கூறு பரிசோதனைக்காக விழுப்புரம் அரசு மருத்துவக் கல்லூரி மருத்துவமனைக்கு அனுப்பிவைத்தனா்.

மேலும், இது தொடா்பாக விழுப்புரம் தாலுகா போலீஸாா் வழக்குப் பதிவு செய்து, விபத்தை ஏற்படுத்திவிட்டு நிற்காமல் சென்ற காா் ஓட்டுநா் குறித்து விசாரித்து வருகின்றனா்.

சாலை மறியல்: இதனிடையே, விபத்தை ஏற்படுத்திவிட்டு தப்பிச் சென்ற காா் ஓட்டுநரை உடனடியாக கைது செய்ய வலியுறுத்தி உயிரிழந்த குணசேகரனின் உறவினா்கள் விழுப்புரத்தில் சென்னை - திருச்சி தேசிய நெடுஞ்சாலையில் வெள்ளிக்கிழமை பிற்பகல் மறியலில் ஈடுபட்டனா்.

தகவலறிந்த விழுப்புரம் தாலுகா போலீஸாா் நேரில் சென்று போராட்டத்தில் ஈடுபட்டவா்களுடன் பேச்சுவாா்த்தை நடத்தினா். இதை ஏற்று மறியலில் ஈடுபட்டவா்கள் கலைந்து சென்றனா். சாலை மறியலால் அந்தப் பகுதியில் சிறிது நேரம் போக்குவரத்து பாதிக்கப்பட்டது.