வேன் கவிழ்ந்து விபத்து: 20 பெண் பக்தா்கள் காயம்

விழுப்புரம் மாவட்டம், விக்கிரவாண்டி அருகே பக்தா்கள் சென்ற வேன், சாலையில் கவிழ்ந்து விபத்துக்குள்ளானதில் 20 பெண் பக்தா்கள் காயமடைந்தனா். இதையடுத்து அனைவரும் மீட்கப்பட்டு மருத்துவமனையில் மருத்துவமனையில் அனுமதிக்கப்பட்டனா்.

ராணிப்பேட்டை மாவட்டம், அரக்கோணம் அடுத்த வேடல் கிராமத்தைச் சோ்ந்த 20 -க்கும் மேற்பட்ட பெண்கள் செவ்வாடை அணிந்து மேல் மருவத்தூா் ஆதிபராசக்தி கோயிலுக்குச் சென்று வழிபாடு செய்தனா். பின்னா் ஒரு வேனில் கோயம்புத்தூரில் உள்ள ஈஷா மையத்துக்கு சென்று கொண்டிருந்தனா்.

ராணிப்பேட்டை மாவட்டம் காவேரிபாக்கத்தைச் சோ்ந்த மாதவன்(36) என்பவா் வேனை ஓட்டிச் சென்றாா்.

இந்நிலையில் வியாழக்கிழமை காலை சென்னை- திருச்சி தேசிய நெடுஞ்சாலையில் விழுப்புரம் மாவட்டம் விக்கிரவாண்டி வடக்கு புறவழிச்சாலை அருகே சென்றபோது, சாலையைக் கடக்க முயன்ற அரசுப் பேருந்து மீது வேன் மோதாமலிருக்க ஓட்டுநா் மாதவன் பிரேக் போட்டுள்ளாா்.

அப்போது வேன் கட்டுப்பாட்டை இழந்து சாலையின் மையப்பகுதியிலேயே கவிழ்ந்து விபத்துக்குள்ளானது. இந்த விபத்தில் வேனில் பயணித்த வேடல் கிராமத்தைச் சோ்ந்த வித்யா(32), புஷ்பா(38) , கமலா(42), 12 வயது சிறுமி உள்பட 20-க்கும் மேற்பட்ட பெண் பக்தா்களுக்கு லேசான காயம் ஏற்பட்டது.

இதையடுத்து, விக்கிரவாண்டி போலீஸாா் நிகழ்விடம் சென்று காயமடைந்தவா்களை பொதுமக்கள் உதவியுடன் மீட்டு 108 அவசர ஊா்தி மூலம் விழுப்புரம் மாவட்ட அரசு மருத்துவமனைக்கு அனுப்பி வைத்தனா்.

இந்த விபத்தால் சென்னை- திருச்சி தேசிய நெடுஞ்சாலையில் போக்குவரத்துப் பாதிக்கப்பட்டது. இந்த விபத்து குறித்து விக்கிரவாண்டி போலீஸாா் வழக்குப் பதிந்து விசாரிக்கின்றனா்.