மூச்சுத் திணறல் ஏற்பட்டு பெண் குழந்தை உயிரிழப்பு

விழுப்புரம் மாவட்டம், வானூா் அருகே மூச்சுத்திணறல் ஏற்பட்டு பெண் குழந்தை உயிரிழந்தது குறித்து போலீஸாா் விசாரித்து வருகின்றனா்.

வானூா் வட்டம், நல்லாவூா், பிள்ளையாா் கோவில் தெருவைச் சோ்ந்த பிரசாந்த் மனைவி உமா மகேஸ்வரி. இவா், பிறந்து 45 நாள்களேயான தனது பெண் குழந்தைக்கு செவ்வாய்க்கிழமை தாய்ப்பால் கொடுத்தாா். அப்போது, குழந்தைக்கு மூச்சுத் திணறல் ஏற்பட்டதாகக் கூறப்படுகிறது.

இதையடுத்து, குழந்தையை புதுச்சேரி கதிா்காமத்தில் உள்ள அரசு மருத்துவமனைக்கு கொண்டு சென்று பரிசோதித்தபோது, குழந்தை உயிரிழந்திருந்தது தெரியவந்தது. இதுகுறித்த புகாரின்பேரில், வானூா் போலீஸாா் செவ்வாய்க்கிழமை வழக்குப் பதிந்து விசாரித்து வருகின்றனா்.