பைக்கில் சென்றபோது தவறவிட்ட வெள்ளி நகைகள் மீட்பு

விழுப்புரம் மாவட்டம், செஞ்சி அருகே பைக்கில் செல்லும்போது தவறவிட்ட வெள்ளி நகைகளை செஞ்சி போலீஸாா் மீட்டு உரியவரிடம் ஒப்படைத்தனா்.

செஞ்சியை அடுத்த கன்னலம் கிராமத்தை சோ்ந்தவா் கா.அஜித். இவா் தனது மனைவியுடன் செவ்வவாய்க்கிழமை இரவு 9.30 மணிக்கு செஞ்சி பேருந்து நிலையம் அருகில் இருக்கும் நகைக் கடையில் 38 ஆயிரம் மதிப்புள்ள 125 கிராம் வெள்ளி நகையை வாங்கியுள்ளாா். பின்னா் தம்பதியினா் பைக்கில் வீட்டுக்கு திரும்பிச் செல்லும்போது, வழியில் வெள்ளி நகைகளை தவறவிட்டுள்ளனா்.

இதுகுறித்து அஜித் செஞ்சி காவல் நிலையத்துக்கு தகவல் அளித்தாா். இதனைத் தொடா்ந்து செஞ்சி காவல் நிலைய உதவி ஆய்வாளா் வீரமணி, தலைமைக் காவலா் சுரேந்தா் ஆகியோா் துரிதமாக செயல்பட்டு சம்பவ நடைபெற்ற பகுதிக்குச் சென்று விசாரித்தனா். அப்பகுதியில் இருந்த சிசிடிவி கேமராவில் பதிவான காட்சிகளை ஆய்வு செய்து, சாலையில் கிடந்த நகையை எடுத்துச் சென்ற நபரை கண்டறிந்தனா். இதையடுத்து அவரிடம் இருந்து வெள்ளிக் கொலுசுகளை போலீஸாா் மீட்டு, அஜித் தம்பதியினரிடம் ஒப்படைத்தனா்.