பிரதமா் மோடி தலைமையில் இன்று மத்திய அமைச்சா்கள் கூட்டம்சென்னை, திருவள்ளூா் மாவட்டங்களுக்கு மஞ்சள் எச்சரிக்கைஅரக்கோணம் அரசு மருத்துவமனையில் தீவிர சிகிச்சைப் பிரிவு கட்டடம்: முதல்வா் திறந்து வைக்கிறாா்சிறப்பு டெட் தேர்வு: விண்ணப்பிக்க நாளை கடைசி

பெருமாள் கோயில்களில் விஷ்ணுபதி புண்ணியகால வழிபாடு

விழுப்புரம் மாவட்டத்திலுள்ள பெருமாள் கோயில்களில் விஷ்ணுபதி புண்ணியகால வழிபாடு செவ்வாய்க்கிழமை நடைபெற்றது.

விக்கிரவாண்டியில் விஷ்ணுபதி புண்ணியகாலத்தையொட்டி துளசிமாலை அணிந்து சிறப்பு அலங்காரத்தில் பக்தா்களுக்கு அருள்பாலித்த ஸ்ரீதேவி-பூதேவி சமேத ஸ்ரீவரதராஜபெருமாள் (உற்சவா்).

Updated On :

விழுப்புரம் மாவட்டத்திலுள்ள பெருமாள் கோயில்களில் விஷ்ணுபதி புண்ணியகால வழிபாடு செவ்வாய்க்கிழமை நடைபெற்றது.

இதையொட்டி, விழுப்புரம் ஸ்ரீவைகுண்டவாச பெருமாள் கோயிலில் பெருமாளுக்கு சிறப்பு திருமஞ்சனம் செய்யப்பட்டு, தீபாராதனை காண்பிக்கப்பட்டது. இந்த வழிபாட்டில் திரளான பக்தா்கள் பங்கேற்று, 27 பூக்களைக் கொண்டு கோயில் கொடிமரத்தை 27 முறை வலம் வந்து வழிபட்டனா்.

விக்கிரவாண்டியிலுள்ள ஸ்ரீவரதராஜ பெருமாள் கோயிலில் ஸ்ரீதேவி-பூதேவியுடன் எழுந்தருளிய உற்சவருக்கு சிறப்புத் திருமஞ்சனம் செய்யப்பட்டு, துளசிமாலை அணிவிக்கப்பட்டது. தொடா்ந்து, மகா தீபாராதனை காண்பிக்கப்பட்டது. இதில், விக்கிரவாண்டி மற்றும் சுற்று வட்டார கிராமங்களைச் சோ்ந்த திரளான பக்தா்கள் பங்கேற்றனா்.

இதுபோன்று செஞ்சி, வளவனூா், கோலியனூா், மயிலம், திண்டிவனம், மரக்காணம், திருவெண்ணெய்நல்லூா், அரகண்டநல்லூா், கண்டாச்சிபுரம் என மாவட்டத்தின் பல்வேறு பகுதிகளிலுள்ள பெருமாள் கோயில்களில் விஷ்ணுபதி புண்ணியகால வழிபாடு செவ்வாய்க்கிழமை நடைபெற்றது. இதில், திரளான பக்தா்கள் பங்கேற்று வழிபாடு செய்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.